Свет
Доминација на исламистичките партии по втората фаза од изборите во Египет
Главните исламистички партии ја потврдија доминацијата во Египет освојувајќи повеќе од 65 отсто од гласовите во втората фаза од парламентарните избори што се одржаа меѓу 14-ти и 22-ри декември , објави централната изборна комисија во Каиро.
Главните исламистички партии ја потврдија доминацијата во Египет освојувајќи повеќе од 65 отсто од гласовите во втората фаза од парламентарните избори што се одржаа меѓу 14-ти и 22-ри декември , објави централната изборна комисија во Каиро.Партијата на слободата и правдата (PLJ) којашто произлезе од движењето Муслиманско братство освоила 36,5 отсто од гласовите, а салафистите од ултраконзервативната партија Салафи ал-Нур – 28,7 отсто од гласовите во втората изборна фаза од египетските парламентарни избори кои се одржаа во втората третина од 27-те покраини од земјата, во регионите на Суец, Асуан и Гиза.Во првата фаза од изборите која се одржа кон крајот на ноември и почетокот на декември во регионите на најголемите градови Каиро, Александрија и Луксор, партијата на Муслиманското братство освои 36 отсто од гласовите а Салафи ал-Нур 24 отсто од гласовите. За 60-те места кои се бираат со мнозински систем во два круга, во втората фаза од изборите изборната комисија во саботата ги објави победниците, но непрецизирајќи ги нивните резултати. Според пишувањето од неделата на каирскиот дневен весник Al-Ahram, партијата на Муслиманското братство освоила 40 места а Салафи ал-Нур 13 места.Како и во првата фаза од изборите, најголемите губитници на овие избори се египетските либерали. Партијата Ал Вафд којашто е најстарата во Египет, доби 9,6 отсто од гласовите, додека Египетскиот блок, кој е главната либерална коалиција, освои 7 отсто од гласовите. Третата фаза од изборите во последната третина од покраините треба да започне на 3-ти јануари. Со околу две третини од гласовите освоени во првите две фази, исламистите доминираат со собранието коешто првпат треба да заседава на 23-ти јануари.Партијата на Муслиманското братство смета дека има право да состави влада, но армијата којашто преку Врховниот совет на вооружените сили ја води земјата по падот на поранешниот претседател Хосни Мубарак во февруари годинава, веќе најави дека парламентот нема да има овластувања да ги именува министрите./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.