Свет
Русија би можела да ги забрани летовите на авионите Ту-154Б
Сојузната руска агенција за превоз има намера да препорача забрана на летовите со авионот од типот Тупољев-154Б, пренесува агенцијата Франс прес.Анонимен извор за агенцијата Итар-Тасс вчера рекол дека шефот на Ространснадзор(агенцијата за превоз)Генадиј Курвенков тоа го најавил на состанокот со рускиот министер за сообраќај Игор Левитин.Авионот Ту-154Б е главна верзија на Ту-154 што последните години доживеа многу несреќи. Во саботата еден Ту-154Б, на воздухопловната компанија „Колавиа“, со 116 патници и осум членови на екипажот, се запали додека се движел по пистата на аеродромот Сургут на Урал, на летот за Москва. Во несреќата тројца патници загинаа, а околу 40 се повредени.Во април 2010. година при пад на Ту-154 загина полскиот претседател Лех Качињски и десетина високи полски функционери.Забраната би траела додека со целосна истрага не се утврди дали постои некаква конструкциска грешка или пропуст во процедурата на летање што доведува до несреќи. /крај/афп/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.