Свет
Потврдено дека Вали Карзаи е убиен од шефот на неговите телохранители Кабул
Братот на претседателот на Авганситан,и претседател на провинцискиот Совет на Народните претставници на провинцијата Кандахар, Ахмад Вали Карза е убиен од шефот на неговото лично обезбедување Мохамад Сардар, потврди авганистанската агенција Pozhvak
Според информациите со коишто располага авганистанската новинска агенција, Мохамад Сардар го застрелал Ахмед Вали Карзаи во дворот на неговиот дом од автомат „калашников“. Два куршума го погодиле полубратот на претседателот Хамид Карзаи во градите и во стомакот. Убиецот веднаш бил застрелан од страна на другите телохранители на Вали Карзаи, дополни авганистанската агенција. Претставникот на талибаните, Јусуф Ахмади претходно за AFP изјави дека талибаните ја преземаат одговорноста за атентатот. Ахмади додаде дека талибаните неодамна го задолжиле својот припадник Мохамад Сардар да го убие Ахмад Вали Карзаи.Како што пренесува РИА Новости, повикувајќи се на извор во авганистанската полиција, претседателот на провинцискиот совет на Народните претставници во Кандахар, Ахмад Вали Карзаи, бил убиен во неговиот дом од страна на еден од неговите телохранители.Негов роднина кој сакал да остане анонимен, исто така, за Reuters потврдил дека убиството се случило во домот на полубратот на авганистанскиот претстедател Хамид Каразаи.Портпаролот на гувернерот на провинцијата Кандахар, Залмај Аијуби изјави за медиумите дека „Ахмад Вали Карзаи беше убиен во неговиот дом“, незадржувајќи се притоа на подетални информации за убиството.Началникот на антитерористичката единци за во авганистанското министерство за внатрешни работи, Абдул Гафар Сајеџада за Reuters рече дека Ахмад Вали Карзаи најверојатно е убиен „од еден од неговите телохранители и дека никој однадвор не е вмешан“.Ахмад Вали Карзаи, кој беше влијателна фигура во владејачките структури во провинцијата Кандахар, во неколку наврати беше споменуван во западните медиуми во врска со производството и транспорт на дрога и трговијата со дрога од источните авганистански провинции. Претходно, имаше неколку обиди за негова ликвидација, но тој секогаш се извлекуваше неповреден.Ахмад Вали Карзаи е контроверзна фигура во Авганистан кој беше доведуван во поврзаност со вносната трговија со опиум. Во документите што минатата година ги објави WikiLeaks беше наведено дека Ахмад Вали Карзаи е еден од главните нарко босови во Авганистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шефицата на германската дипломатија: Руската војна се води на сите нивоа
Германската министерка за надворешни работи Аналена Бербок изјави дека „војната во Русија се води на сите нивоа“, вклучително и блокадата на украинскиот извоз на жито, но и сајбер нападите, не само во Украина, туку и врз германската владејачка Социјалдемократска партија (СДП) и германските компании.
Тоа е неодговорен процес, настан за кој не можеме да молчиме, изјави Аналена Бербок при посетата на Фиџи, пренесува ДПА.
Неодамна беше објавено дека Русија извршила сајбер напади врз СДП и германски компании од секторите на одбраната, авијацијата и информатичката технологија.
Свет
Во просторијата во која требало да се состане полската влада биле пронајдени уреди за прислушување
Полските безбедносни служби пронајдоа и демонтираа уреди за прислушување во просторијата во која денеска треба да се состане министерскиот совет, изјави портпаролот на координаторот на специјалните служби.
Полска, центар на западните воени резерви на Украина додека Киев се бори против руската инвазија, е во состојба на висока готовност за какви било знаци на шпионска активност.
„Службата за државна заштита, во соработка со Агенцијата за внатрешна безбедност, откри и демонтира уреди што може да се користат за прислушување во просторијата во која денеска треба да се одржи состанокот на Советот на министрите“, напиша Јацек Добржински на социјалната мрежа „Икс“.
„Службите спроведуваат понатамошни активности во врска со ова прашање“, додаде Добржински.
Вчера, владата соопшти дека истражува дали полски судија, кој имал пристап до доверливи информации и барал политички азил во Белорусија, шпионирал.
Регион
Кинескиот претседател денеска пристигнува во Белград: ќе го чуваат илјадници полицајци
Кинескиот претседател Шји Џјинпинг денеска доаѓа во официјална посета на Белград, а според Танјуг, за неговото пристигнување се преземени големи безбедносни мерки, па неговата делегација ќе ја штитат 3.400 полицајци.
Ќе го пречекаат српските ловци МиГ-29 кои ќе го следат неговиот авион од границата, а на аеродромот во Белград во негова чест ќе биде построена стража на војската на Србија.
Покрај автопатот во Белград се поставени кинеското и српското знаме, а пред Палатата Србија ќе биде организиран и свечен пречек на кинеската делегација, броена од 400 луѓе, а планирано е да се потпишат повеќе од 30 договори.
Ќе биде организиран и свечен ручек, а кинескиот претседател ќе има можност да дегустира српски јадења и вина, а ќе има и музичка програма на српски и кинески јазик“.
Домаќин на кинескиот претседател ќе биде српскиот претседател Александар Вучиќ.
Шји последен пат беше во Србија во 2016 година, што беше прва посета на претседателот на Кина на Србија по 32 години и по тој повод беше потпишана Декларацијата за стратешко партнерство.
Вучиќ се сретна со Шји во октомври минатата година во Пекинг, кога беа потпишани 18 договори, меѓу кои и договорот за слободна трговија меѓу Србија и Кина, кој наскоро треба да стапи на сила.
Ова е прва посета на претседателот Шји на Европа во последните пет години, од избувнувањето на пандемијата Ковид-19, а за време на оваа европска турнеја тој ќе посети само три европски престолнини – Париз, Белград и Будимпешта.
Петдневната турнеја ја започна со посета на Франција на 5 мај, во Белград доаѓа на 7 мај, а потоа ќе ја посети Будимпешта.
На последната средба меѓу кинескиот и српскиот претседател во октомври минатата година во Пекинг, покрај Договорот за слободна трговија, беа потпишани и неколку билатерални документи, како оние за полициска соработка во управувањето со вонредни ситуации, изградбата на патишта, индустриски парк, извоз на јаболка, дигитализација.