Прва трансплатација на црн дроб кај дете во Македонија извршена е успешно деновиве на Клиниката за детска хирургија, а пациентот било едно шестмесечно машко бебе.

Прва трансплатација на црн дроб кај дете во Македонија извршена е успешно деновиве на Клиниката за детска хирургија, а пациентот било едно шестмесечно машко бебе.Како што информираат од Клиниката, бебето било  хоспитализирано во  терминална фаза, со тешка цироза на црниот дроб и единствената солуција за да се спаси неговиот живот било трансплатација на црн дроб.Донор на органот е мајката на детето, од која се земени – 20 отсто од црниот дроб. Поради тежината на оперативниот процес и  постоперативната тешка состојба на детето, на возраст од шест месеци и телесна тежина од шест килограми, детето е сеуште во одделот за интензивно лекување на нашата Клиника, и е на механичка вентилација под постојана/24-часовна/ контрола од страна на докторите од КАРИЛ и целокупниот персонал од Клиниката за детска хирургија, се наведува во соопштението од детска хирургија. Проектот за црнодробна трансплантација беше координиран од д-р Владимир Чадиковски, а  поддржан од СЗО и Европската комисија за трансплантација. Безрезервна поддршка на целиот проект дале и тимот доктори од загрепската болница „МЕРКУР“ и целокупниот персонал од Универзитетската клиника за детска хирургија, предводени од директорот  д-р Ристо Симеонов.Претходно, во 2009 година на Клиниката за детска хирургија за прв пат успешно беше направена првата трансплантација на бубрег, кај дете во Македонија, од страна на  д-р Ристо Симеонов.„Ние не застануваме тука, со опремата што ја имаме од Министерството за здравство и донацијата од Министерството за одбрана на САД и Амбасадата на САД и Кралството Холандија, спремни сме да се соочиме со најголемите предизвици од областа на детската хирургија.За следниот квартал планираме да направиме три бубрежни трансплантации, за да ги оправдаме средствата добиени од ФЗОМ“, стои во соопштението. /крај/со/ап/