Македонија
Шангајскиот универзитет ќе ги рангира македонските факултети
Квалитет на работењето на високообразовните институции во Македонија годинава за прв пат ќе биде оценуван од страна на една водечка светска институција за оваа намена.Ресорниот министер за образование и наука Никола Тодоров на денешната прес конференција објави дека рангирањето на македонските високообразовни институции ќе му биде доверено на Центарот за светска класа и универзитети при шангајскиот Чиа Тонг.„Во рангирањето ќе бидат вклучени петте јавни универзитети, со сите единици во нивен состав, десет приватни универзитети, една јавна-приватна непрофитна установа, пет високи стручни школи и шест јавни школи и еден приватен научен институт“, појасни Тодоров. Тој истакна дека ваков вид на рангирањето на високообразовните установи во Македонија ќе биде спроведено за прв пат, додека во светот тоа претставува долгогодишна пракса. „Рангирањето ја стимулира конкуренцијата помеѓу високообразовните установи и дава значајни информации, поврзани со статусот на установата, кои се корисни за работодавачите, стопанството, студентите и за сите субјекти“, изјави Тодоров.Ресорниот министерот напомена дека рангирањето може да придонесе и за потранспарента и поправедна алокација на средствата за универзитетите во зависност од нивниот квалитет и нивната успешност. Предвидено е рангирањето да биде насочено кон сите релевантни учесници во високообразовниот процес, како што се професорите, студентите, наставниците, истражувачите, соработници, административно-техничкиот кадар и надлежните органи.Истражувањето ќе биде спроведено согласно берлинските принципи за рангирање на високообразовни установи и се очекува да придонесе кон зајакнување на транспарентноста во поглед на квалитетот и ефикасноста на нашите установи. Договорот за изведба на рангирањето треба да биде склучен наскоро во Скопје, а резултатите од истражувањето се очекува да бидат објавени во декември.Тодоров информираше дека Центарот за светска класа и универзитети бил единствениот кој поднел валидна документација на тендерот, распишан од странана министерството, при што за понудил цена од шест милиони денари (близу 100 илјади евра). /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски во посета на Единицата за безбедност на сообраќајот на патиштата и Единицата за увид на место на настан и анализа: во фокусот проблемите на вработените
Министерот за внатрешни работи Панче Тошковски денес оствари работни посети на Единицата за безбедност на сообраќајот на патиштата и Единицата за увид на место на настан и анализа при Секторот за внатрешни работи Скопје каде одржа состаноци со раководствата.
„ЕБПС се соочува со голем недостаток на човечки ресурси и недостиг на возила и материјално-технички средства кои им се основна алатка за постапување и одржување на високо ниво на безбедност во патниот сообраќај. Исто така, беше посочено дека потребни се промени во законската и подзаконската регулатива со цел допрецизирање на одредбите кои ја регулираат оваа материја, а се со цел побезбеден сообраќај и помалку жртви.
ЕУМНА е една од круцијалните организациски единици кога се работи за ефикасно работење во делот на кривичната материја имајќи ја предвид природата на нивната работа. И во оваа Единица има голем недостаток на човечки ресурси, но и соодветни обуки кои ќе го подигнат нивото на квалитет на нивната работа, како и инвестирање во нова, пософистицирана опрема согласно најсовремените технологии и практики“ издвои Тошковски.
Македонија
Пендаровски: Давкова си закажала дебата сама со себе на МТВ
После јавната бламажа на трите досегашни ТВ дуели, Гордана Силјановска Давкова сфати дека единствен начин да излезе како победник во тие јавни соочувања е да организира разговор со „празно столче“ во договор со јавниот сервис чии генерален директор со месеци е ангажиран во партиска кампања на ВМРО-ДПМНЕ, вели престедателскиот кандидат Стево Пендаровски отклако претходно неговата против кандидатка Гордана Силјановска Давкова објави коментар дека Пендаровски не се појавил на дебатата на националниот сервис МТВ.
„Инаку, терминот за дебатата на МТВ никогаш не беше договорен меѓу двата кандидати. Дебатата во понеделник на 6ти мај, на телевизија Канал 5, е последна која е потврдена од двете страни.
И покрај ниските морални и етички стандарди кои ги поставија до сега во кампањата, ова е ново дно кое ВМРО-ДПМНЕ и Гордана Силјановска Давкова го достигнаа, што може да ги изненади само оние кои не го познаваат начинот на делување на ВМРО-ДПМНЕ и на нивната партиска кандидатка“, реагира Пендаровски на прозивките на Давкова.
Македонија
Сиљановска-Давкова до Пендаровски: Ќе дебатирам со празно столче, последната дебата е закажана за понеделник
Кандидатката за претседателка на ВМРО-ДПМНЕ, Гордана Сиљановска-Давкова со свој коментар на социјалната мрежа X, по повод отсуството на противкандидатот Стево Пендаровски на тв-дебата на Македонската телевизија.
“Вчудоневидувачки е како во најзначајната претседателска дебата пред националниот сервис, Македонската телевизија, јас ќе дебатирам со празно столче“, напиша таа.
Не разбирам, вели Сиљановска-Давкова, зошто мојот противкандидат (@SPendarovski) им оневозможи на граѓаните повторно да ги соочиме нашите програми и ставови.
„Би сакала да го потсетам господинот Стево Пендаровски дека последната дебата е закажана за понеделник, па го повикувам да се одважи и да се појави пред мене и пред граѓаните на Македонија.
Основна задача на шефот на државата е да гради консензус преку дијалог со сите“, пишува Сиљановска-Давкова на социјалните мрежи.
Доби и одговор од нејзиниот против кандидат Стево Пендаровски.
„Давкова си закажала дебата сама со себе на МТВ“, реагира Пендаровски на социјалните мрежи.