Свет
Германскиот сојузен суд пресуди – еутаназијата не е кривично дело
Исклучувањето на апаратот за одржување на пациентот во живот не се третира како кривично дело, ако лицето кое е на смртна постела инсистира на тоа, ваква пресуда донесе Германскиот сојузен суд минатиот петок.
Исклучувањето на апаратот за одржување на пациентот во живот не се третира како кривично дело, ако лицето кое е на смртна постела инсистира на тоа, ваква пресуда донесе Германскиот сојузен суд минатиот петок.
Со оваа одлука по прашањето за еутаназија, која дојде по едногодишна расправа во највисокиот германски граѓански суд, ослободен е адвокатот кој минатата година го осудија за обид за убиство, бидејќи ја советувал својата клиентка да и помогне на мајка си да умре.
По жалбите на адвокатот, судот донесе одлука со која им се дава можност на оние кои се грижат за пациентите да можат да ги изгаснат апаратите за одржување во живот, ако пациентот тоа го сака.
Според медицинските извештаи, постарата жена пред да падне во кома поради крварење во мозокот и рекла на својата ќерка дека не сака повеќе да ја одржуваат во живот на апарати. Проблемот настанал поради тоа што нејзината желба не била пренесена писмено.
По советите на нејзиниот адвокат ќерката ги исклучила апаратите.Ќерката и адвокатот подоцна се обвинети за обид за убиство. Локалниот суд му изрече условна казна на адвокатот од девет месеци /крај/хина/к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.