Свет
Во Сирија загина функционер на Црвената полумесечина
Генералниот секретар на сириската Арапска Црвена полумесечина загинал во средата додека со јасно обележано возило патувал надвор од главниот град Дамаск, соопшти Меѓународната комисија на Црвениот крст (ICRC).
Генералниот секретар на сириската Арапска Црвена полумесечина загинал во средата додека со јасно обележано возило патувал надвор од главниот град Дамаск, соопшти Меѓународната комисија на Црвениот крст (ICRC).Лекарот Абдал Разак Џбеирo, раководител исто така и на канцеларијата на Црвената полумесечина во северниот гад Идлиб, се возел по автопатот од Дамаск кон Идлиб по состанокот во седиштето на Црвената полумесечина, се додава во соопштението на ICRC, што го пренесува Reuters.„Без оглед на тоа во кои околности се случило, ICRC остро го осудува неговото загинување“, изјавила раководителката на операциите на организацијата за Блискиот исток, Беатрис Мегаванд-Рого. Таа додала дека непочитувањето на медицинските служби во Сирија и натаму е голем проблем. Сириската државна телевизија за ова убиство ги обвини „терористите“, тврдејќи дека Џбеир е „ликвидиран“ во областа Кан Шеијун.Сириската Арапска Црвена полумесечина побара властие веднаш да покренат истрага за овој случај. Во Сирија веќе десет месеци не престануваат анти-владините протести. Секојдневни се извештаите за убиства на цивили и униформирани лица. Според податоците на ОН, вкупниот број жртви надмина пет илјади луѓе. Сириските официјални претставници , пак, тврдат дека во судирите со добро вооружените припадници на опозицијата, дезертираните војници и „терористички групи уфрлени однадвор“ се убиени повеќе од две илјади лица, пред сѐ, припадници на војската и полицијата./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.