Македонија
Заврши рокот за изјаснување на ДИК по приговорите на ДУИ и СДСМ
Иако рокот за разгледување на приговорите за избирачкиот список истекуваше во четвртокот на полноќ Државната изборна комисија ја прекина седницата при разгледувањето на приговорот на СДСМ.
Таа продолжува со работа во петок , а во меѓувреме стручните служби се задолжени да ги проверат тврдењата на СДСМ за двојни податоци и починати лица на избирачкиот список.
Претходно работата на комисијата беше запрена по барање на потпретседателот на Државната изборна комисија, Субхи Јакупи, кој побара тричасовна пауза за проверка на податоците од избирачкиот список во МВР по однос на приложените приговори од страна на ДУИ, по што комисијата продолжи со работа во попладневните часови.
Апсурдно е да се бришат гласачи од Избирачкиот список со уредно добиени документи, истакнаа членовите на ВМРО – ДПМНЕ, кои оценија дека целата оваа ситуација е всушност чиста манипулација од страна на СДСМ која поднесе барање за проверка на над 20 илјади избирачи од 22 општини запишани во Избирачкиот список.
Со три гласа „за”, три гласа „против” и еден воздржан, ДИК не го прифати приговорот на ДУИ во кој се бара да се проверат 453 гласачи кои фигурираат во Избирачкиот список, а десетици од нив имаат пријавено иста адреса на живеење.
Партијата на Али Ахмети во рок од 24 часа има право на приговор за одлуката на ДИК до Управниот суд.
Рокот за изјаснување на приговорите истече во четвртокот./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.