На прес-конференцијата на евроамбасадорот Ерван Фуере, на која тој во детали се осврна на поглавјата во извештајот напредок е постигнат во политичките критериуми, но забелешки постојат во спроведувањето на изборите

„Република Македонија направи напредок во спроведувањето на изборите, но тука се јавува како проблем застрашувањето на граѓаните, посебно на државните службеници“, рече Фуере. Подобрувањето на политичката клима, спроведувањето на рамковниот договор, напредок во полицијата и судството, антикорупциската борба се битни фактори за позитивната оценка во извештајот.  Според Фуере има добри заложби и напори, меѓутоа и понатаму треба да се продолжи за штопоскоро станување дел од европското семејство. Во делот на економијата слабости се лоцирани во енергетската сфера, животната средина и секторот труд и социјала. Македонија во наредниот период ќе треба да се фокусира на слабостите во економската сфера.По четири годишно тапкање во место, Македонија прави значителен исчекор на европскиот пат. Земјата со ова дефинитивно се качува на европскиот воз, дали на брза шина или бавно како досега, ќе зависи од објективните светски случувања, но и од субјективните македонски слабости.Според евроамбасадорот прашањето за името останува неодминлив фактор кој и во наредниот период ќе ја одредува насоката и брзината со која ќе се движи земјава.„Покарај Владата и граѓаните за овој извештај се заслужни и медиумите“, истакна Фуере.Вицепремиерот за европски прашања Васко Наумовски рече дека ова е нова фаза од развојот на Македонија.„Владата истакнува голема благодарност до сите кои што се вложуваа во овој процес. Реформскиот процес на Владата продолжува“, истакна Наумовски. Со голем аплауз новинарите, амбасадорите, невладините организации и експерти во Прес-центарот на ЕУ во Скопје ја поздравија одлуката на Европската комисија за препорака за датум за преговорите за Македонија. Тие заедно со вицепремиерот Васко Наумоски и евроамбасадорот Ерван фуере наздравија за одлуката.