Свет
Надзорникот суспендиран по бегството на затвореникот
Затвореникот Небија Насер побегна додека неговиот чувар бил во тоалетот на болницата
Затвореникот Небија Насер побегна додека неговиот чувар бил во тоалетот на болницата
Надзорникот Бранко Величковски е суспендиран по завчерашното бегство на затвореник, кој го спроведувал на лекарски преглед во Клиничкиот центар во Скопје. Пропустот во неговата работа ќе биде разгледуван од страна на дисциплинска комисија во КПУ „Идризово", каде што тој работи како надзорник повеќе години. Во меѓувреме, полицијата трага по избеганиот затвореник, кој бил на издржување казна затвор во траење од десет и пол години поради силување, грабнување и тешка кражба.
Некои од надзорниците во затворот се сомневаат дека бегството било осмислувано подолго време. Пропустот кој го направил надзорникот, кому Насер му избегал додека бил во тоалетот во болницата, само му го олеснило бегството. На него му претходеле низа други случувања.
Според надзорниците во најголемиот затвор во земјава, Небија Насер се пожалил на забоболка, но забот не можел да му биде изваден, бидејќи боледувал од шеќерна болест. Поради тоа, во вторникот тој добил дозвола да се прегледа во Одделението за ендокринологија во Клиничкиот центар, а на преглед бил и утредента, кога и побегнал. На преглед во болницата биле упатени и други тројца осуденици, на кои им биле одредени двајца затворски надзорници. Во надзорската служба велат дека тоа е спротивно на правилата, кои предвидуваат двајца надзорници на еден затвореник. Но, од затворот „Идризово" ги демантираат ваквите наводи. Директорот во заминување Јовица Стојановиќ вели дека на преглед биле испратени тројца осуденици, од кои едниот бил инвалидизирано лице, вториот бил со отворен третман во затворот, додека двајца надзорници биле задолжени за Насер.
Затвореникот и надзорникот се упатиле на Клиниката за ендокринологија, додека другиот надзорник и другите затвореници заминале во Арестантското одделение. Но, при проверката на шеќерот во крвта на затвореникот, наводно, било утврдено дека затвореникот не ја зел пропишаната терапија, односно инсулинот, што упатува на сомневање дека тој свесно го правел тоа како дел од планот за бегство. Оној момент кога надзорникот отишол во тоалет затвореникот на кој поради прегледот му биле симнати лисиците, ја искористил шансата и побегнал. Продавачите пред болницата изјавиле дека затвореникот го чекале две лица, кои избегале со „мерцедес" кабриолет со црна боја, што уште еднаш ги потврдува сомневањата дека бегството било добро испланирано.
Надлежните во затворот „Идризово" еден ден по настанот го суспендираа надзорникот, наведувајќи дека ги прекршил процедурите и дека за неговата одговорност ќе одлучува дисциплинска комисија. Оттаму велат дека надзорникот и претходно ја прекршил процедурата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.