Свет
Хакерски напади на британските министерства како поддршка за Асанж
Хакерската група Anonymous ја презема врз себе одговорноста за нападите врз интернет страниците на британските владини институции, тврдејќи дека тоа е протест против британската позиција во случајот на основачот на порталот WikiLeaks, Џулијан Асанж, јави BBC.
Меѓу нападнатите интернет страници се ресурсите на британските министерства за правда и за внатрешни работи. Во понеделникот навечер, пристапот до нив бил многу бавен или воопшто оневозможен, неодгаварајќи на барањата на корисниците.
Портпаролката на министерството за правда потврди дека интернет страницата била нападната во понеделникот навечер.
„Меѓутоа овој портал е од јавен општодостапен карактер, и на него не се чуваат никакви специфични податоци. Другите виртуелни ресурси на министерството не настрадаа“, изјави портпаролката.
Членови Anonymos, неструктурирана група активисти коишто протестираат и хакери, признаа дека стојат зад нападите на мигроблоговите на Твитер. Тие не се согласуваат со намерата на британските власти да го екстрадираат Џулијан Асанж во Шведска, каде што обвинителството има намера да го испрашува во случајот на обвиненијата против него за силување и сексуално вознемирување.
Од јуни основачот на контроверзниот разобличувачки интернет ресурс WikiLeaks, се наоѓа во амбасадата на Еквадор. Оваа латиноамериканска држава позитивно му одговори на неговото барање и му додели политички азил, меѓутоа невозможно е 41-годишниот Австралијанец да ја напушти Велика Британија без да биде приведен. Британија се закани дека на амбасадата на Еквадор ќе ѝ го одземе статусот на дипломатска мисија, што ќе ѝ овозможи на локалната полиција да влезе на територијата на претставништвото и да го уапси Асанж. Сепак, британското министерство за надворешни работи претходно изјави дека нема да има никакво навлегување на територијата на амбасадата.
Еквадор, пак, го предупреди Лондон дека секој обид полицијата да велзе во зградата на амбасадата ќе претставува „дипломатско самоубиство“ за Британците.
Асанж првпат од јуни, во неделата се појави во јавноста, кога од балконот на амбасадата им се обрати на неговите поддржувачи со благодарност за те на говорот на благодарност за поддршката./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ го посети повредениот полицаец, му честиташе за неговата смиреност и храброст
Претседателот на Србија, Александар Вучиќ денеска го посети повредениот припадник на Жандармеријата Милош Јевремовиќ (34), кој откако беше ранет од самострел, беше опериран и е во стабилна состојба.
„Пресреќен сум што Јевремовиќ Милош се чувствува добро по операцијата. Му честитав на Милош за неговата извонредна храброст, неговата смиреност и успешно завршената задача во борбата со терористот. Србија нема да има милост кон терористите“, напиша Вучиќ на фотографијата со ранетиот полицаец.
„Им честитам на командирите и на сите во полициските сили за исклучителното однесување на Милош Јевремовиќ, ќе му се оддаде почест штом ќе ја напушти болницата. Важно е што нашиот херој Милош е жив и здрав, покажа како треба да се реагира во таков момент“, изјави претседателот на Србија.
Непознато лице денес со самострел тешко го рани припадникот на жандармеријата кој бил на должност да ја обезбедува израелската амбасада.
Припадникот на жандармеријата употребил оружје во самоодбрана и го победил напаѓачот, кој од здобиените повреди починал.
Министерот за внатрешни работи на Србија Ивица Дачиќ изјави дека во Белград е уапсено уште едно лице под сомнение за терористичко здружување.
„Во Белград е уапсено уште едно лице осомничено за терористичко здружување. Станува збор за лице од Белград, родено 1999 година, кое веќе беше уапсено пред две години бидејќи бил администратор на неколку милитантни групи на Интернет кои повикувале на џихад“, соопшти Дачиќ.
Тој објасни дека случајот против него и понатаму се води, а тој е пуштен од притвор.
Регион
Голем шумски пожар на планина во северниот дел на областа Атика
Голем шумски пожар избувна на планината Парнита во северниот дел на областа Атика, поширокиот регион на Атина. Интервенираат противпожарни сили од копно и воздух, а силниот ветер дополнително го отежнува гаснењето, додека пак, иако пожарот е во планински дел, сепак од бројот 112 за итни случаи е испратена порака до жителите на околните населени места да бидат во состојба на готовност за евентуална евакуација.
Во гаснењето помагаат волонтери, цистерни и камиони од периферијата Атика и војската.
Планината Парнита беше зафатена од големи пожари лани во август, како и во текот на летото во 2021 година.
Регион
Непознато лице тешко рани припадник на жандармеријата пред израелската амбасада во Белград
Непознато лице, чиј идентитет се утврдува, со самострел тешко ранил припадник на жандармеријата кој бил на должност да ја обезбедува израелската амбасада.
Вицепремиерот на Србија и министер за внатрешни работи Ивица Дачиќ го посети повреден припадник на Жандармеријата. Дачиќ претходно изјави дека неидентификувано лице, чиј идентитет се утврдува, денеска околу 11 часот пукал со самострел во припадник на жандармеријата и го ранил во вратот.
Припадникот на жандармеријата М.Ј. (1990) употребил оружје во самоодбрана и го победил напаѓачот, кој од здобиените повреди починал.
„Специјалното обвинителство го презеде случајот, иако идентитетот на лицето не е утврден, но нема сомнеж дека се работи за терористички акт насочен и против државата Србија и против припадниците на Жандармеријата. Дали поединец делувал сам или групно ќе дознаеме наскоро… Превентивно уапсивме други лица кои беа во близина на полицискиот објекти. Некои сомнежи се веќе присутни и има индиции дека се работи за луѓе кои се познати на безбедносните служби и се работи за вахабистичко движење, но тоа не е потврдена информација. Ги зајакнавме сите безбедносни мерки во градот. Напаѓачот имал и нож. Заклучокот е дека станува збор за терористички напад во кој се вклучени лица кои имаат врски со вахабистичкото движење“, рече министерот Дачиќ.