Македонија
Сексуалната ориентација спорна точка за Законот за заштита од дискриминација
Заштитата по однос на сексуална ориентација мора да влезе во новиот Предлог закон за заштита од дискриминација, со што ќе се добие еден Закон усогласен со европското законодавство.
Заштитата по однос на сексуална ориентација мора да влезе во новиот Предлог закон за заштита од дискриминација, со што ќе се добие еден Закон усогласен со европското законодавство.
Ова беше главното барање изнесено на денешната јавна расправа која беше организирана од Постојаната анкетна комисија за заштита на слободите и правата на граѓанинот.
Учесниците упатија барања до претставниците на парламентарното мнозинство, до Собранието да биде доставен нацрт законот од ноември 2009 година, кој ја содржи сексуалната ориентација како основ за дискриминација.
Австриската европарламентарка Урлике Луначек, копретседавач со внатрешната група за хомосексуални права од Зелената партија, рече дека хомосексуалните групи мора да бидат вклучени во Законот, бидејќи како што рече со сегашниот закон кој ги исклучува овие групи земјата нема да оди никаде.
„Бидете храбри и усвојте го претходниот закон. Мора да знаете дека во овој закон треба да се вклучи основата за сексуална ориентација. Ако не го направите сега тоа ќе мора да го сторите кога ќе се приближите до ЕУ“, им порача таа на парламентарците на јавната расправа.
Прашањето за сексуалната ориентација, според Луначек , не е прашање на идеологија туку на слобода. Пратеникот Владимир Ѓорчев од ВМРО-ДПМНЕ смета дека , ставањето сексуалната ориентација во законот отвора пат за менување на законот за семејство за легализирање на хомосексуалните бракови и можност тие да посвојуваат деца.
Според него не може да се прави општествена норма поради мала група на луѓе.
„Ние ќе гласаме за овој закон за антинедискриминација во Република Македонија кој е од уставна вредност, а сите оние кои сакаат да го редефинираат нашето општество тоа можат да го направат, но за тоа ќе требаат барем 700 или 800 илјади гласови, кои во моментов ги нема“,рече Ѓорчев. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и култура е рециклирање и рекреирање на веќе постоечкото. Колку понапредни општествата – толку повеќе се рециклира, се води сметка за животната околина и сè погласна и популарна е “second hand” модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во Јавна соба, под слоганот “Second hand е подобро од ново” започнува Базарот каде што посетителите можат да си набават добро сочувано парче гардероба, чевли, накит, книга или можеби некоја играчка. Ќе има бројни штандови со разноразни парчиња кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– Заштеда на пари
– Помагање на животната средина и зачувување на природните ресурси
– Поддржувате локален и мал бизнис
– Развивате уникатен стил
– Имате чувство како да сте во потрага по богатство
Македонија
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во државата.
Од Државната изборна комисија информираа дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Освен изнемоштените и затворениците, денес своето право на глас ќе го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.
На овие парламентарни избори поднесени се 17 кандидатски листи, за парламентарните избори од кои 16 на политички партии и коалиции и една од група избирачи. На изборите учествуваат 61 партија. Од нив, 11 самостојно, а 50 во пет коалиции.
На вториот круг од претседателските избори право на глас имаат 1.814.317 избирачи, а на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи.