Македонија
Позитивна оценка за работата на Иванов на прашањето за името
Претседателот на Македонија Ѓорге Иванов е доволно присутен меѓу граѓаните, позитивно работи на прашањето за името и чесно ја извршува својата работа, покажа анкетата на ИПИС.
Дека претседателот Иванов позитивно работи во однос на прашањето за името сметаат 61,3 отсто од испитаниците, 31,0 рекле `негативно`, а 6,8 отсто немаат одговор. Покажа анкетата на ИПИС.
Политиката и работата на Иванов во однос на надворешната политика 58,7 отсто од испитаните ја оцениле како позитивна, наспроти 30,7 што негативно гледаат на тоа, а 10,6 отсто немаат одговор.
Дека е доволно присутен меѓу граѓаните мислат 54,5 отсто од испитаните, наспроти 41,9 отсто кои не мислат така и 3,6 кои немаат мислење.
Исто така, граѓаните се запознати со „Школата на млади лидери“, што се води под покровителство на претседателот Иванов, (31,9 отсто), што е во пораст од речиси 20 отсто, затоа што тој процент во декември 2010 изнесувал 13,1 отсто.
Комплетните резултати од истражувањето ги презентира Кабинетот на Претседателот на Република Македонија.Како што претходно објавивме речиси 60 отсто од граѓаните на Македонија имаат позитивно мислење за претседателот на државата ѓорге Иванов, покажа истражувањето на ИПИС.Имено, на прашањето: Какво е вашето мислење за Претседателот на Република Македонија д-р Ѓорге Иванов? – 58,4 отсто се изјасниле позитивно, 23,2 отсто негативно, додека 18,4 отсто одговориле со незнам / немам одговор.
Во однос на прашањето: Дали сметате дека Претседателот Иванов чесно ја извршува својата функција? – 73,1 отсто одговориле позитивно, 15,5 отсто одговориле негативно и 11,4 отсто немале одговор или одговориле со незнам.Истражувањето е направено во периодот меѓу 24-27 октомври 2012 година, од Институтот за Политички Истражувања од Скопје (ИПИС), на барање на Кабинетот на Претседателот на Република Македонија.
Анкетата е спроведена телефонски на 1.115 испитаници како дел од редовните мерења на ставовите на граѓаните во однос на нивната доверба и перцепции за работата на Претседателот на Република Македонија.
Истражувањето на јавно мислење е спроведено според стандардизирани прашалник и врз основа на стратификуван примерок кој е репрезентативен за населението во Република Македонија.
Во примерокот беа запазени сите релевантни демографски специфики на населението (полова структура, старосни групи, степен на образование и етничка припадност), а беше направена и соодветна поделба на испитаниците според местото на живеење (урбана или рурална средина, со тоа што Скопје беше земено како посебна целина заради своите посебности).
Во примерокот се застапени испитаници од сите изборни региони во Македонија.
Сите истражувања на Институтот се подложни на статистичка грешка која изнесува +/- 3 отсто. /крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Луѓето од 27 април не бараат амнестија, туку правда, да не одговараат за делата кои не ги направиле
На изборите на 8 мај се одлучува дали оваа криминална влада ќе биде поразена и истата банда ќе се соочи со одговорност, или ќе продолжи да кради и распродава, велат од ВМРО-ДПМНЕ.
„Кога веќе Спасовски се одлучи давенички да прави капитал со настаните 27 април, тогаш нека одговори на едноставното прашање кој највеќе искористи со настаните на 27 април? Кој направи влада после овие настани? Дали за монтираниот судски процес не беше наградена Русковска и Кацарска? Како Русковска пред време ги знаела пресудите за 27 ми април според јавните сведоштва изнесени во јавноста? Дали мирно спие Спасовски со сознанието дека има драконски казни за дела кои не ги направиле?“, прашуваат од партијата.
Оттаму додаваат дека „луѓето од 27 април не бараат милостина, ниту пак амнестија, туку правда, да не одговараат за делата кои не ги направиле, а им ги товарија и препишаа“.
Македонија
Ковачевски: Никогаш повторно режим, не се откажавме на 27 април, нема да се откажеме ниту на 8 мај
Денешниот ден, 27 април, e најцрниот датум во историјата на нашата демократија и никогаш не смее да се заборават сликите од крвавиот четврток пред седум години, порача претседателот на Социјалдемократскиот сојуз на Македонија, Димитар Ковачевски, на својот фејсбук профил. Ковачевски потенцира, дека 27 април е потсетник на едно време на режим, насилство, страв и незивесност.
„Никогаш да не ги заборавиме сликите од крвавиот четврток, сликите на насилниците поттикнати од ВМРО-ДПМНЕ кои извршија упад во Собранието, се обидоа да убијат пратеници, да повредат новинари и вработени во собраниските служби, кои сакаа да да го урнат уставниот поредок. На 27 април пред седум години, се виде до каде може да одат поделбите и омразата, желбата за пресметка со сите оние кои мислат поинаку. Овој датум е потсетник колку лесно опасна, десничарска власт може да ја уништи стабилноста и демократијата, да ја уназади државата. Тогаш не се откажавме од борбата за подобра иднина на граѓаните, за слободна и демократска држава. Нема да се откажеме ниту сега. СДСМ е партија направена од цврст материјал и секогаш на вистинската страна од историјата. Како што не се откажавме на 27 април, нема да се откажеме ниту на 8 мај. Никогаш повторно режим“, порача претседателот на СДСМ, Димитар Ковачевски.
Македонија
Силјановска-Давкова: Пратеници кои се претставуваат како екологисти, учествуваат во уништувањето на животната средина
По цунамито во средата сега не очекува вулкан кој ќе создаде услови да се решат проблемите и да се тргне напред во градење на општество каде ќе се почитуваат законите, рече Силјановска-Давкова.
Денеска кандидатката за претседател Гордана Силјановска-Давкова во рамките на кампањата беше во Mаврово каде што оствари средба со граѓани.
Во своето обраќање од Маврово, Силјановска-Давкова порача:
„Маврово има посебна вредност за Македонија и затоа и државата и граѓаните мора да се грижат за оваа природна и човечка убавина. Мора да запре систематското уништување на животната средина и да запре урбанистичкиот хаос во Националниот парк Маврово. Невидено е во една ваква природна убавина заштитена со закон во 21 век да се градат дивоградби во заштитени зони, да се дозволува во езерото да се влеваат фекалии, не смееме да го уништуваме тоа што ни го дала природата затоа што на тој начин сами се уништуваме.
Уште пострашно е кога и пратеници кои се претставуваат како екологисти, а учествуваат во уништувањето на животната средина и заштитени национални богатства.
По цунамито во средата сега не очекува вулкан кој ќе создаде услови да се решат проблемите и да се тргне напред во градење на општество каде ќе се почитуваат законите и ќе се регулира животната средина но и правото на граѓаните да живеат достоинствено во секој поглед“.