Свет
Интервју на Марија Гарсија де Лара за радио Слободна Европа
Ние веруваме дека постојат сигнали за оптимизам и оти натамошен напредок е можен во најскоро време, изјави шпанската амбасадорка Марија Гарсија де Лара во интервјуто за Радио Слободна Европа
Ние веруваме дека постојат сигнали за оптимизам и оти натамошен напредок е можен во најскоро време, изјави шпанската амбасадорка Марија Гарсија де Лара во интервјуто за Радио Слободна Европа, коментирајќи ја оптимистичката изјава на министерот за надворешни работи Мигел Анхел Моратинос во врска со решавањето на проблемот со името. Господин Моратинос ја покажува својата поддршка за тековниот процес под покровителство на ООН.
Веруваме дека е многу важно да продолжат директните средби меѓу премиерите Груевски и Папандреу и навистина го почитуваме, го охрабруваме и го поддржуваме лидерството што го покажаа тие во продолжувањето на директните разговори.
Најавената посета на Моратинос ќе се состои во поддршка на Владата за започнатиот реформски процес на патот кон ЕУ и да ги поддржи напорите што се вложуваат во преговарачкиот процес што го водат ООН, и да ја поддржи ЕУ перспективата на оваа земја, вели амбасадорката.
Многу е јасен приоритетот на претседателството и на политиката на ЕУ дека ја поддржуваме и веруваме дека местото на Западен Балкан е во ЕУ. Резултатите постигнати во оваа земја, особено во 2009-та година се задоволувачки, така што сигурна сум дека министерот Моратинос ќе ги охрабри властите за тековниот преговарачки процес.
Мислам дека Европската Унија целосно го поддржува процесот што се води, но треба да имаме на ум дека таа не е дел од него. Тоа е билатерално прашање, билатерален спор. ЕУ посакува заемно прифатливо решение да биде најдено во најбрзо време, но не е дел од преговарачкиот процес.
Така што, мислам дека сите држави и институции на ЕУ ги поздравуваат директните контакти и целиот преговарачки процес и ние како шпанско претседателство ќе бидеме повеќе од среќни ако се изнајде решение што е можно поскоро, изјави шпанската амбасадорка Марија Гарсија де Лара во интервјуто за Радио Слободна Европа./крај/радиослободнаевропа/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден ги нарече Индија и Јапонија „ксенофобични земји“: Не сакаат мигранти, а тие се она што не прави силни
Американскиот претседател Џозеф Бајден ги нарече Индија и Јапонија „ксенофобични земји“ затоа што не сакаат да примат мигранти.
Тој го рече ова за време на говорот на настанот за собирање средства за неговата изборна кампања, во средата навечер, на донаторска вечера пред публика составена претежно од Азиски Американци., пишуваат тамошните медиуми. Бајден рече дека претстојните избори во САД се за „слобода и демократија“ и дека економијата на земјата напредува поради нив и многу други, „бидејќи САД ги пречекуваат имигрантите“.
„Зошто Јапонија има економски проблеми? Зошто Индија? Затоа што се ксенофобични. Тие не сакаат мигранти, а тие се она што не прави силни, бидејќи имаме прилив на работници кои сакаат да бидат тука и сакаат да придонесат“, додаде американскиот претседател.
На овие зборови на Бајден досега не реагираа ниту јапонската ниту индиската влада.
Свет
Директорката на американското разузнавање: Русија напредува на бојното поле, но војната во Украина нема да заврши наскоро
Директорката на Националната разузнавачка служба на САД, Аврил Хејнс денеска оцени дека војната во Украина нема наскоро да заврши, а развојот на ситуацијата на домашен и меѓународен план е во корист на рускиот претседател Владимир Путин.
Хејнс пред Комитетот за вооружени служби на Сенатот изјави дека Русија ги интензивирала нападите врз украинската инфраструктура за да ја намали способноста на Киев да распоредува војници и оружје, да го забави военото производство и да ја принуди Украина да ги разгледа преговорите.
„Сè поагресивните тактики на Путин против Украина, како што се ударите врз енергетската инфраструктура на Украина, имаат за цел да создадат впечаток во Украина дека продолжувањето на борбата само ќе ја зголеми штетата за Украина и нема да понуди пат до победата“, рече Хејнс.
Говорејќи пред Комитетот за проценка на заканите на САД во 2024 година, таа рече дека „оваа агресивна тактика веројатно ќе продолжи“ и „војната нема да заврши наскоро“.
Хејнс изјави дека Русија напредува на бојното поле и дека нејзините сили наскоро би можеле да направат тактички пробив во Доњецк и Харков, пренесува Танјуг.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.