Свет
Хакерски напад врз Пентагон и Белата куќа
Осомничени за хакерските напади на виталните безбедносни структури на САД и Јужна Кореја се тајните служби на Северна Кореја
Покрај Пентагон и Белата куќа, денеска е забележен хакерски упад и на Њујоршката берза, неколку американски министерства, а компјутерски криминал пријавил и Washington post. Американските медиуми информираат дека не се соопштени вистинските размери на нападот, но имаат информации дека истото се случува и во Јужна Кореја, од што се повлекува сомневањето дека зад нападите стојат севернокорејските хакери. „Ова јасно докажува дека компјутерскиот криминал одамна не е својствен само за љубопитните тинејџери. Тоа предупредува дека се’ поозбилно да ги сфаќаме можностите за напади на организирани и синхронизирани криминални групации, од странски држави и други итри учесници во компјутерскиот криминал зад кои стојат сериозни намери“, изјавила Лесли Франц, потпретседателка на Tech America.Овој напад се случил за време на најголемиот државен празник во САД, Денот на независноста на 4-ти јули, кога два дена агентите на американските безбедносни служби не можеле да се поврзат на интернет, а истото се случувало и во министерството за финансии, безбедносните сектори, Федералната комисија за трговија и на министерството за сообраќај на САД. Инаку, во истото време, светската јавност и безбедносните служби беа окупирани со серијата лансирања ракети од страна на Северна Кореја. Официјално нема коментари за инцидентите, портпаролката на Министерството за национална безбедност Ејми Кудува изјавила дека сите сојузни ресори добиле предупредување дека треба да преземат безбедносни мерки против можни хакерски напади. Изворите на Reuters рекле дека станува збор за досега незабележан силен о софистициран напад од страна на хакери. Во Јужна Кореја, исто така, биле блокирани интеренетските страници на некои државни ресори и банки. Тамошните безбедносни служби велат дека нападите во САД и Јужна Кореја се синхронизирани и дека зад нив се кријат тајните служби раководени од Пјонгјанг и можеби хакерски друштва кои се поврзани со севернокорејската разузнавачка служба. Ваквиот тип напади во компјутерџиските кругови е наречен DOS (denial of service, односно ограничен пристап), појаснуваат експертите од македонската ИТ компанија Seavus. Ваквите напади инаку не се невообичаени а се извршуваат со преоптоварување на интернетските страници, но во последните години постојат повеќе индиции дека се користат од тајните служби на повеќе држави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с