Македонија
Средби на Жбогар со државниот врв

Шефот на словенечката дипломатија, Самуел Жбогар, денеска, во рамки на тридневната посета на Македонија, ќе се сретне со државниот врв.
Шефот на словенечката дипломатија, Самуел Жбогар, денеска, во рамки на тридневната посета на Македонија, ќе се сретне со државниот врв.Предвидено е Жбогар да се сретне со неговиот македонски колега, Антонио Милошоски, а ќе оствари средби и со претседателот Ѓорге Иванов, премиерот Никола Груевски и првиот парламентарец, Трајко Вељаноски.Се очекува на средбите да стане збор за билатералните односи меѓу Македонија и Словенија, економската соработка, евроатлантската интеграција на Македонија, како и случувањата на западниот Балкан.Вчера Жбогар се сретна со претставници на СДСМ и на ДУИ, Гордан георгиев и Али Ахмети.Ова е втора посета на Жбогар на земјава по еден месец. Претходно, високиот словенечки гостин престојуваше во Скопје на 2-ри февруари. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.