Македонија
Граѓаните на Скопје добија бесплатни интернет точки
Жителите на Скопје од денеска ќе можат да користат бесплатен интернет во неколку специјално одредени зони низ градот
Жителите на Скопје од денеска ќе можат да користат бесплатен интернет во неколку специјално одредени зони низ градот.
За таа цел, градоначалникот на Град Скопје, Коце Трајановски денеска во паркот Жена борец го промовираше проектот за бесплатни интернет точки во Скопје.
„Од денеска за жителите на Скопје обезбедуваме бесплатен безжичен интернет пристап во Градскиот парк (во делот спроти бараките на администрацијата на Град Скопје) и во паркот Жена борец“, изјави
Градоначалникот Трајановски при официјалното пуштање во употреба на бесплатните интернет точки.
Безжичниот интернет пристап е слободен, без лозинка и може да го користи секој што има пренослив компјутер или друг уред, како мобилен телефон, кој има можности за бежична конекција. Безжичниот интернет ќе биде достапен 24 часа дневно, а првите месец дена ќе бидат тест период.
Типот на интернет конекцијата е несиметрична Wi-Fi по технолошки стандард 802.11 a/b/g со минимални брзини од 4 Mbps download / 512 Kbps upload. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно, попладне пороен дожд, грмежи и засилен ветер
Времето денеска ќе биде променливо облачно, попладне и во вечерните часови на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со обилен пороен дожд за кратко време, силни електрични празнења, засилен ветер и појава на град. Минималната температура ќе биде во интервал од 6 до 12, а максималната ќе достигне од 20 до 26 степени.
Во Скопје променливо облачно. Попладне и во вечерните часови ќе биде нестабилно со пороен дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 11, а максималната ќе достигне до 25 степени.
До петок ќе се задржи променливо облачно време, на повеќе места нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време, силни електрични празнења, засилен ветер и појава на град. Дневната температура од четврток ќе биде во опаѓање. Во деновите од викендот условите за нестабилност ќе се намалат.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.