Свет
Турција остро го осуди убиството на членови на „Флотата на слободата“
Турското министерство за надворешни работи остро ги осуди дејстувањето на израелските воени бродови врз меѓународната невладина хуманитарна флота која пренесува хуманитарна помош за населението од појасот Газа, откако израелската армија потврди дека загинале 19 лица
Труција ја карактеризираше акцијата на Израел како „непримерна“ побара официјално објаснување од Тел Авив, стои во специјалното соопштени на министерството за надворешни работи во Анкара.„Израел треба да биде санкциониран за последиците од неговот дејствување. Она што се случи е неприфатливо. Силно го осудуваме и итно бараме обајснување“, се вели во соопштението што го пренесуваат турските агенции.Во него се укажува и дека „со своте активности, насочени кон невиното цивилно население, Израел повторно јасно покажал дека не ги почитува човечките животи и мировните иницијативи“.„Акцијата што се случи во меѓународните води претставува флагрантно кршење на меѓународното право, што може да доведе до несогледиви последици меѓу двете држави“, се нагласува во соопштението на турската страна. Турската дипломатија изрази сочувство до семејствата и пријателите на жртвите на нападот и посака брзо закрепнување на жртвите. Текстот на оваа нота веднаш било предадено до израелскиот амбасадор во Анкара, Габи Леви, кој бил итно повикан во Министерството за надворешни работи.Утрово израелската армија го потврди загинувањето на околу десет членови на меѓународната флота кои учествуваат во доставувањето хуманитарна помош за блокираниот појас Газа. Според изралески претставници, во акцијата биле ранети и четири израелски војници од кои еден е во критична состојба.Во составот на „Флота на слободата“ се девет бродови, кои превезуваат околу десет тони хуманитарни прозиводи. Израелските командоси рано утринава од хеликоптер извршиле десант врз палубата од турскиот брод отворајќи оган врз граѓански лица“, соопшти рано утрово интернетскиот сајт на ова хуманитарно здружение. Според сознанијата на Форум на еден од бродовите има и најмалку еден македонски државјанин кој контактираше во неделата со редакцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
48 лица загинаа во страшна несреќа во Кина, Кинезите го слават херојскиот потег на камионџијата
Кинезите го слават возачот на камион кој го паркирал своето возило преку автопат за да спречи повеќе возила да не се стркалаат по падината по уривањето на автопат. Најмалку 48 лица загинаа во несреќата на југот на земјата.
Ванг Ксијангнан во средата возел по автопат во провинцијата Гуангдонг кога забележал неколку возила кои се движат во спротивна насока на автопатот со четири ленти. Набрзо еден колега возач го известил дека автопатот пропаднал.
Поранешниот војник Ванг брзо го позиционирал својот камион да го блокира автопатот, ефикасно запирајќи десетици возила да продолжат кон амбисот. Во меѓувреме, неговата сопруга излегла од камионот за да ги предупреди другите возачи за ситуацијата, јавуваат кинеските медиуми.
„Не размислував премногу. Само сакав да ги запрам возилата“, изјави Ванг за кинеската новинска агенција. Храбрите постапки на Ванг не само што добија пофалби од Кинезите на социјалните мрежи, туку и признанија од Кинеската фондација за развој на работниците.
Фондацијата во петокот објави дека му доделила на Ванг 10.000 јуани (1.414 долари) во соработка со една автомобилска компанија. Добротворниот проект поврзан со технолошкиот гигант Алибаба, исто така, му даде на Ванг еднаков износ. Ванг изјави за весникот дека парите ќе ги донира на семејствата на жртвите од колапсот.
Локалните медиуми, исто така, објавија дека уште еден маж клекнал за да ги спречи автомобилите да продолжат по автопатот. Несреќата се случила по цел месец обилни дождови во Гуангдонг. Некои од 23-те возила кои паднаа во длабоката провалија се запалија, по што се издигнаа густи облаци од чад.
Во саботата, градската влада на Меиџоу во Гуангдонг објави дека властите ќе спроведат проверки на автопатите, железниците и патиштата во планинските области. Тим предводен од гувернерот на провинцијата ги истражува причините за падот.
Свет
Садик Кан по трет пат стана градоначалник на Лондон
Градоначалникот на Лондон, Садик Кан победи на изборите во главниот град по трет пат, победувајќи ја Сузан Хол од британската Конзервативна партија.
Кан, кој е од Лабуристичката партија, победи во девет од 14-те изборни единици во Лондон.
Тој обезбеди 1.088.225 гласови, додека за Хол гласале 812.397 гласачи, пренесува „Стандард“.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024