Македонија
За 49 отсто од граѓаните земјата се движи во погрешна насока

Речиси половина од македонските граѓани мислат дека Македонија се движи во погрешна насока, покажува последното истражување на Брима Галуп за перцепцијата на граѓаните.
Речиси половина од македонските граѓани мислат дека Македонија се движи во погрешна насока, покажува последното истражување на Брима Галуп за перцепцијата на граѓаните.На прашањето „Генерално земено, дали мислите дека работите во нашата земја се движат во правилна и погрешна насока“, 49 отсто сметаат дека насоката е погрешна, што е за 15 отсто помалку споредено со април. За 42 отсто работите се движат во правилна насока, што е зголемување за 14 отсто споредено со април. Според истражувањето една третина од граѓаните и дале средна оцена на владата.На прашањето „Која оценка би ја дале за севкупната работа на сегашната Влада употребувајќи ја скалата на оценување што се користи во училиштата во Македонија, каде што 1=незадоволително, а 5=одличен?“, 18 отсто дале незадоволителна оценка, исто толку биле задоволни, 33 отсто одговориле со добро, за 16 отсто владата работи многу добро, додека одлична оценка владата дала за 10 отсто. Просечната оценка на владата е 2,78. На прашањето „Гледано една година наназад, дали сметате дека економската ситуација во вашето домаќинство е подобра, скоро иста или полоша отколку пред една година?“, за 17 отсто ситуацијата е подобра, за 47 отсто е скоро иста, додека за 34 отсто е полоша.Истражувањето на Брима Галуп покажува дека 36 отсто од граѓаните сметаат дека нивната лична економска состојба во следната година ќе биде подобра, за 35 отсто ќе биде скоро иста, додека за 23 отсто ќе биде полоша.Резултатите од испитувањето покажуваат дека само два отсто од граѓаните можат да купат се што сакаат, 21 отсто можат да купат нешто повеќе од неопходното, а 54 отсто можат да го купат само неоппходното. 22% не можат да го купат дури ни неопходното.Истражувањето е спроведено на репрезентативен примерок од 1163 полнолетни граѓани, во период од 1-ви до 7-ми септември. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
УЈП со повик за исполнување на ДДВ обврските: евидентирана е загрижувачка состојба

Управата за јавни приходи информира дека заклучно со 25 јули 2025 година евидентирана е загрижувачка состојба во однос на исполнувањето на обврските поврзани со данокот на додадена вредност (ДДВ).
„Според последните податоци: не се поднесени ДДВ-пријави од 142 месечни и 2.134 тримесечни обврзници. Пријавен, но неплатен ДДВ-долг е евидентиран кај 1.326 месечни и 7.748 тримесечни обврзници.
Директорката на Управата за јавни приходи, Елена Петрова, со порака: „Непочитувањето на законскиот рок е сериозен прекршок. Сите обврзници кои не поднеле ДДВ-пријава или не го платиле ДДВ-долгот се повикуваат итно да постапат согласно законските прописи. Даночната дисциплина не е избор, туку законска обврска и одговорност на секој граѓанин и компанија, темел за функционална држава.“
Управата за јавни приходи, како што додаваат во информацијата, веќе доставила персонализирани известувања до сите ДДВ-обврзници кои имаат пријавен, а ненаплатен долг за соодветниот даночен период.
„Преку координирано постапување и интензивна комуникација со даночните обврзници и со сметководителите, се спроведува целосен сет активности и мерки — со цел да се избегнат блокади на сметки и дополнителни трошоци за присилна наплата. За секој ден на задоцнување, се пресметува камата во износ од 0,03% од преостанатиот долг. По доставата на опомените, управата ќе пристапи кон присилна наплата кај сите обврзници кои нема да го подмират долгот доброволно. Со цел навремено информирање и исполнување на обврските, како и обезбедување солидна даночна историја, УЈП останува во постојана комуникација со сите релевантни страни“.
Македонија
Владата донесе одлука за промена на таблиците на службените возила и отворање на конзулат во Корча

Владата на денешната 97 седница донесе одлука сите државни институции да ги променат регистарските таблици на службените возила со новите таблици со боја најдоцна до 15 септември 2025 година. Оваа одлука е во насока на уште едно реализирано ветување пред граѓаните со цел поголема отчетност, транспарентност и ставање крај на злоупотребите кои со биле пракса во минатото, соопшти владината служба.
Дополнително, Владата на предлог на Министерството за надворешни работи и надворешна трговија донесе одлука за отворање на генерален конзулат во Корча со јурисдикција во целиот регион. „Граѓаните мора да имаат брз и ефикасен сервис и услуги, поддршка за културни, образовни и економски врски.
Владата продолжува со конкретни мерки и политики кои имаат за цел да ја потврдат вистинската грижа за подобрување на стандардот и враќање на довербата на граѓаните во институциите“.
Македонија
Со запален факел се обидел да подметне пожар во Струмица: под истрага едно лице за загрозување на општата сигурност

Јавен обвинител од Основното јавно обвинителство Струмица донесе Наредба за спроведување истражна постапка против едно лице за обид да изврши – Тешки дела против општата сигурност од член 292 став 1 во врска со член 288 став 1 од Кривичниот законик.
Осомничениот вчера попладне, преку една социјална мрежа, се заканил на лице од Струмица дека ќе му ја запали викендицата, а потоа се обидел заканите да ги реализира.
На локацијата брана Водоча се обидел да подметне пожар и да предизвика поголема имотна штета. Со запален факел од хартија и текстил ги запалил гредите на натстрешницата, кои започнале да чадат и да горат. Со тоа предизвикал ризик од пожар не само на објектот, туку и на повеќе други викенд-куќи и на нискостеблеста и високостеблеста вегетација во непосредна близина.
Поради опасност од бегство и можност да го повтори односно да го доврши делото, јавниот обвинител до судијата на претходна постапка достави предлог за определување мерка притвор.