Свет
Израел разочаран од разликата во гласовите за одлуката за Палестина
Убедливиот дипломатски пораз што Израел го доживеа во четвртокот навечер на гласањето во Генералното собрание на ОН со кое на Палестина дефакто и’ е признаена државноста, го разочара политичкиот врв на земјата…
Убедливиот дипломатски пораз што Израел го доживеа во четвртокот навечер на гласањето во Генералното собрание на ОН со кое на Палестина дефакто и’ е признаена државноста, го разочара политичкиот врв на земјата, чии обиди ден потоа да се намали штетата него сокрија вистинското разочарување од резултатот.
Во Генералното собрание на Обединетите нации, од 193 членки, 138 држави, за десет гласови повеќе од потребното двотретинско мнозинство, гласаа за прием на новата држава во членство во ОН. Против беа девет држави, а воздржани 41 земја. Три држави воопшто не учествуваа во гласањето коешто беше одржано токму на 65-годишнината од усвојувањето на резолуцијата 181 со која територијата Палестина беше поделена на засебна израелска и палестинска држава којашто досега не се реализираше.
Фактот дека зад Израел останаа само три поважни држави – САД, Канада и Чешка,само дополнително го истакнува впечатокот на изолираноста на Израел на меѓународната сцена во поглед на мировните преговори со Палестинците, се наведува во текстот на Reuters.
„Дури и нашите стари пријатели, како Германија, одбија да застанат до нас. Имаше тука и надворешни, меѓутоа тешко е тоа да не се види како целосен неуспех на нашата дипломатија, поради што очигледно ќе има последици“, изјави висок израелски функционер за агенцијата, кој одбил да биде именуван.
Портпаролот на израелската влада, Марк Регев, изјави дека Израел е разочаран од исходот на гласањето по нацрт резолуцијата за палестинскиот статус во Генералното собрание на ОН, но не и изненаден.
„Генералното собрание може да лили на театар на апсурдот во кој еднаш годишно се донесуваат смени резолуции на штета на Израел. Некогаш Европа ги поддржува, некогаш не“, вели Регев.
Меѓутоа, аналитичарите укажуваат на тоа дека ова претставува тежок одар за Израел во бројот на гласовите во Генералното собрание што е јасен показател за разликите меѓу Европа и израелскиот премиер Бенјамин Нетанјаху поради начинот на кој се однесува кон владата на претседателот на Палестинската самоуправа на Западниот брег, Махмуд Абас, кој ја има поддршката на Западот, но и длабоко спротиставување на ЕУ за експанзиите на еврејските населби на палестинските територии.
Дипломатите од земјите членки на ЕУ укажуваат на фактот дека поради обемот на израелската колонизација на окупираниот Западен брег и источен Ерусалим , кого Израел го прогласи за своја историска и единствена престолнина, наскоро нема да биде можно да се исцрта одржлива палестинска држава.
„Владата пропушти да ја сфати сериозноста на предизвикот кој се заканува на основната доверба во Израел во Европа. Палестинската акција во ОН се покажа како поголем пораз отколку што се очекуваше“, вели Гиди Гринстејн од институтот Reut./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Никогаш нема да ја заборавам бабата која стои, чека и го повторува името на внуката“: Мајорката која меѓу првите влезе во „Рибникар“
„Траума што се уште ја минувам и денес“, „Сигурна сум дека добро ќе се сеќаваме на тој кобен 3-ти мај, бидејќи тоа е колективна траума и моја лична траума што ја доживеав и ја преживувам до ден-денес. Сакам да живеам во убедување дека такво нешто никогаш повеќе нема да се повтори“, вели полициската мајорка Бојана Отовиќ Пјановиќ во пресрет на годишнината од масакрот во основното училиште „Владислав Рибникар“.
Таа беше меѓу првите кои стапнаа на местото на трагедијата на 3 мај минатата година – во зградата на основното училиште „Владислав Рибникар“, каде неколку минути претходно беа убиени девет ученици и еден чувар.
Како што раскажа, тој кобен 3 мај започнал со секојдневни работни активности. Таа била на работното место кога добиле информација дека во училиштето „Владислав Рибникар“ се пука.
„Веднаш излеговме на местото на настанот“, изјави полициската мајорка.
Била убедена дека се работи за лажна пријава, не сакала да прифати дека такво нешто се случило на училиште.
– На пат кон училиштето веќе добивме официјална информација дека се случил масакр како што се случил и дека неколку ученици се повредени и ги загубиле животите, бидејќи и момчето масовен убиец сам се пријавило во полиција, велејќи дека го направил она што го направил – додава таа и истакнува дека се обидува да ги заборави сликите и сцената што ја затекнала при влегувањето во училиштето.
„Бабата стои, чека и го повторува името на нејзината внука, многу и е тешко да зборува за сето ова“, раскажува таа.
– Најзапаметена слика за мене беше, претпоставувам дека тоа беше токму моментот кога дојдов на местото на настанот со моите колеги, баба која стои, чека и го повторува името на нејзината внука – се присетува мајорката.
Како што раскажува сите се надевале и мислеле дека е невозможно 13-годишно дете да направи нешто толку страшно во основно училиште.
„Сите очекувавме дека тоа ќе биде некаква дезинформација. Како и да е, влегувајќи во училиштето, наидувам на сцена која се обидувам да ја заборавам, но никогаш нема. Понатаму, да не зборувам, во училницата каде што беше одделението седмо два, страшна сцена“, вели Отовиќ Пјановиќ.
Како што наведува, сигурна е дека „многумина се уште бараат одговор на прашањето – „Зошто?“.
„Сигурна сум дека многумина од нас сè уште бараат одговор на прашањето зошто и што е тоа што требаше некаде да ни биде евидентно, за ние како училишни работници и како родители да забележиме дека нешто треба да се направи со цел ова да се спречи“, заклучува таа.
Денеска се одбележува првата годишнина од масакрот во основното училиште „Владислав Рибникар“ во Белград.
Цвеќиња и запалени свеќи се оставени на посебно плато пред училиштето каде се поставени фотографии и имиња на убиените деца и чувари на основното училиште „Владислав Рибникар“.
Според тамошните медиуми родителите по пристигнувањето на местото на настанот се прегрнале.
Во 08:41 часот пред училиштето една минута се слушаа сирени.
Сите програми во Србија беа прекинати една минута во 08:41 часот. Црн екран и порака: „3 и 4 мај. Се сеќаваме“.
Во паркот Ташмајдан, местото каде што пораснаа убиените деца и кое беше нивното омилено место за играње, беше поставен видео бим на кој се прикажуваат фотографии од жртвите.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.