Свет
Судот ја забрани екстремистичката работничка партија во Чешка
Највисокиот управен суд во Чешка денеска ја забрани активноста на маргиналната националистичка Работничка партија и нареди истата да биде распуштена.
Највисокиот управен суд во Чешка денеска ја забрани активноста на маргиналната националистичка Работничка партија и нареди истата да биде распуштена.
Судот наведе дека причина за распуштање на неонацистичката партија е фактот дека ја загрозува демократијата во Чешка.
„Програмата на Работничката партија е полна со ксенофобија, шовинизам, хомофобија и расизам“, заклучи чешкиот суд кој нагласи дека партијата шири гласини дека странските државјани претставуваат опасност за граѓаните на Чешка.
Судот заклучил дека оваа партија е заснована на национал-социјалистичката идеологија на Хитлер и е тесно поврзана српските и руските неонацисти.
Во изминатите неколку години Работничката партија организираше насилни анти-ромски маршови низ ромските населби во северна Чешка кои секојпат преминуваа во нереди и крвави судири со полицијата.
Обвинителот во овој процес беше Томас Сокол, еден од најпознатие адвокати во Чешка. Тој на судењето изјавил дека сите протести кои ги организирала оваа партија биле исклучително насилни и додал дека нејзините припадници постојано ги навредуваат граѓаните врз основа на нивната етничка припадност и сексуална ориентација.
Лидерот на партијата Томас Вандас ги отфрли сите обвиненија за екстремизам обвинувајќи ја чешката влада дека се плаши од конкуренција. Тој додаде дека партијата повторно ќе се регистрира по друго име и ќе продолжи да се бори за своите идеали./крај/бт/иа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.