Македонија
Почнаа деновите на македонскиот мед 2009

На улицата Македонија денес започнаа деновите на македонскиот мед, манифестација посветена на пчеларството и пчеларските производи.
Денес, на улицата Македонија во центарот на Скопје започнаа деновите на македонски мед, манифестација од областа на пчеларството која ќе трае се до сабота. Овогодинешната манифестација има многу поголем интерес кај излошувачите на медот како и кај граѓаните кои доаѓаат на штандовите да се заинтересираат повеќе за пчеларството но и да купат од производите.По должина на улицата Македонија оваа година се поставија повеќе од дваесет штандови на кои се продаваа и дегустираа повеќе видови на препарати како: мед, саќе, прополис, матична млеч,полен, восок, па удри и креми на база на мед. Покрај препарати добиени од пчели се продаваа и скафандери, рамки, сандаци за чување на пчелите и се што е потребно за сите кои сакаат да се занимаваат со пчеларство. „Процесот од еден сандак до тегла мед е многу макотрпен и долг“ ми објасни Петар Василевски еден од изложувачите на манифестацијата. “Најпрвин се прави семејство. Матицата излегува на шеснаесетти или седумнаесетти ден, а работничките пчели се многу активни и доста работат, па затоа и живеат само четириесетина дена. Кога пчелите ќе ја најдат храната тие има пренесуваат сигнали на останатите пчели. Тие ја вршат целата работа. Тоа е најорганизираното семејство во природата.“додаде Василевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Во Македонија 18 пожари на отворено

Во текот на изминатото деноноќие, на ден 20/21.08 на територијата на Македонија имаше вкупно 18 пожари на отворен простор, од кои активни се три пожари, а под контрола и изгаснати се 15 пожари, информира Центарот за управување со кризи.
Активни се пожарите во Јасен (мешана шума), во Општина Маврово и Ростуше восело Церово и во Општина Прилеп во село Беловодица.
Под контрола и изгаснати се 15 пожари, и тоа:
1. Општина Гази Баба: ул. Перо Наков б.б (ѓубриште);
2. Општина Петровец: с. Средно Коњаре (ѓубриште);
3. Општина Петровец: с. Средно Коњаре (ниска вегетација и ѓубре);
4. Општина Струга: с. Драслајца (ѓубриште);
5. Општина Тетово: с. Сараќино (ниска вегетација);
6. Општина Желино: с. Стрмница (ниска вегетација);
7. Општина Чишиново-Облешево: с. Облешево (ниска вегетација);
8. Општина Неготино: с. Криволак, во близина на мостот пред касарна (ниска вегетација и напуштена нива со овоштарник);
9. Општина Тетово: на патот Тетово – с. Брвеница (ниска вегетација);
10. Општина Гостивар: с. Чегране (ниска вегетација);
11. Општина Гостивар: с. Дебреше (ниска вегетација);
12. Општина Крушево: с. Светомитрани (ниска вегетација);
13. Општина Радовиш: с. Раклиш (ниска вегетација);
14. Општина Студеничани: с. Драчевица (сува трева и грмушки);
15. Општина Долнени: с. Лажани (ниска вегетација);
Македонија
Гужва на границите, на Табановце и Богородица се чека по 20-тина минути

Интензитетот на сообраќајот на патиштата надвор од градските средини е зголемен.
Поради летните одмори, се бележи зголемена фреквенција на возила, на ГП „Табановце” времето на чекање за влез и излез е околу 20 минути, за. На ГП „Богородица” времето на чекање за излез знесува околу 20 минути, додека на останатите гранични премини од македонска страна нема подолги задржувања при влез или излез од државата, информира АМСМ.
Поради пожар во националниот Парк Јасен, пак, регионалниот пат Р1106 Македонски Брод – Скопје затворен е за секаков вид на возила.
Сообраќајот на останатите државни патишта се одвива непречено, по суви коловози.
Македонија
Без вода дел од Центар

Од ЈП Водовод и Канализација известуваат дека денеска поради изведување на водоводен приклучок ф-100 мм на улицата Маџирмаало 11, општина Центар, прекинато водоснабдување ќе имаат корисниците на дел од истата улица.
Водоснабдувањето ќе биде прекинато од 09:00 часот до завршување со работните активности.