Свет
Примирје меѓу талибанците и локалните власти во Авганистан
Локалните претставници од западниот дел на Авганистан за прв пат склучија примирје со талибанците
Локалните претставници од западниот дел на Авганистан за прв пат склучија примирје со талибанците непосредно пред претседателските и покраински избори закажани за 20. август.
„Договорот за прекин на огнот на сила е од саботата во округот Бали Мургабу, благодарејќи на посредството на властите од покраината Бадхиса“, рече Сиамак Херауи, портпарол на претседателот Хамид Карзаи.
„Тоа е прв таков договор во државата“, рече тој и додаде дека „тоа е пример што би можеле да го применат и други покраини“.
Херауи посочи дека не е одреден рок за примирјето. „Го поздравуваме се додека трае“, рече портпаролот на Карзаи.
Прекинувањето на огнот меѓу локалните власти и талибанците веднаш, како што јавуваат агенциите, го поздрави британскиот министер за надворешни работи Дејвид Милибанд, кој се наоѓа во седиштето на Европската унија.
Според него, на бунтовниците кои сакаат да живеат по одредбите на авганистанскиот устав треба да им се даде можност да го предадат оружјето, но оти истовремено треба и да се заштитат од освета./крај/хи/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.