Македонија
Јанакиески: Охридското Eзеро е стабилно, будно ја следиме состојбата
Нивото на Охридското Езеро е стабилно изјави Министерот за транспорт и врски Миле Јанакиески денеска, при посетата на туристичката населба Пештани.
Нивото на Охридското Езеро е стабилно изјави Министерот за транспорт и врски Миле Јанакиески денеска, при посетата на туристичката населба Пештани.
Тој истакна дека ситуацијата со поплавите во охридско е под контрола и дека службите на Дирекцијата за заштита и спасување и Центарот за управување со кризи, се на терен, секаде каде што има потреба.
„Во моментов од Охридското Езеро во Црн Дрим се испуштаат 53 метри кубни вода во секунда и тоа е максималното количество кое што може да се испушти, затоа што доколку се испушти поголемо количество на вода постои опасност да се поплави патот од Струга до Дебар, кај месноста Луково“,-рече Јанакиески.
Тој објасни дека патниот правец од Охрид до Св. Наум е безбеден и дека возилата слободно може да се движат по него.
„Контрола на овој патен правец покрај претставници на државните надлежни служби, изврашија и професори од Градежниот факултет од Скопје. Тие потврдија дека патот Охрид-Св. Наум е стабилен и дека сообраќајот по него може да се движи безбедно. Кога ќе се повлече водата ќе направиме дополнителна анализа и доколку се предвиди дека треба да се превземат било какви градежни работи ќе ги превземеме“, нагласи Јанакиески.
Тој побара од локалните власти да не даваат панични изјави за моментната состојба со Охридското Езеро и дека истите треба да превземат конкретни мерки, кои се во нивна надлежност, за да целата ситуација се држи под контрола. /крај/охридњуз/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачевски: Со иднината на државата нема тргување
Во вечерашното обраќање на митингот во Драчево, општина Кисела Вода, претседателот на Социјалдемократскиот Сојуз, Димитар Коваечвски, посочи дека СДСМ е најголемата и единствена автентична социјал-демократска партија во Маекедонија.
„За разлика од субјектите како ЗНАМ, кои се човек – партија, СДСМ е државничка партија со длабоки и силни корени. Нас нѐ водат социјал-демократските вредности, борбата за граѓаните и европската иднина на Македонија. Не се откажуваме од тоа, СДСМ е цврста и силна партија. Ќе продолжиме да се бориме за овие вредности“, порача претседателот на Социјалдемократскиот Сојуз, Димитар Ковачевски.
Ковачевски во обраќањето додава дека СДСМ не прифаќа условувања и со никого нема да прави политички дилови, затоа што ова е прашање на иднината на државата и со неа нема тргување.
„Да одговорам на она писание кое го има напишано субјектот ЗНАМ до јавноста. Прво, раководството на СДСМ го бираат членовите на СДСМ, кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов. Второ, носителите на пратеничките листи и сите кандидати на пратеничките листи на СДСМ и на коалицијата се излезени на избори за да ја претстават програмата на СДСМ и на политичките партии кои ја сочинуваат коалицијата и со таа програма, со тие луѓе, со тие претставници на социјалдемократската идеја ние го бараме гласот на граѓаните“, изјави претседателот Ковачевски.
Ковачевски вели дека не се излезени на избори за да враќаат стари долгови и да му помагаат на ВМРО-ДПМНЕ и на Гордана Силјановска.
„Но, една работа ќе им порачам, на крајот на денот предавникот не го сакаат дома, меѓутоа уште помалку го сакаат надвор од дома. Затоа ве уверувам дека на крајот на денот, ќе ги гледате стуткани во некој ќош, во една клупа,таму во Собранието на Македонија, како седат во последна клупа со наведнати глави, изгубени од својата идеологија и застанати заедно со наследниците на Ванчо Михајлов“, порача Ковачевски.
Ковачевски вели дека се фокусирани да го постигнатнајдобриот резултат на претстојните избори на 8-ми мај иги повика на мобилизација сите демократски и прогресивни сили за да се спречи враќањето на режимот на ВМРО-ДПМНЕ.
„Ние не се откажуваме од Македонија во ЕУ! Верувајте, тоа не е цел сама за себе! Нашиот план за европска Македонија е преточен во конкретна и остварлива програма“, им посочи на присутните граѓани претседателот на СДСМ.
„Ги повикувам сите граѓани, ги повикувам сите наши симпатизери, сите наши гласачи, сите оние кои што гласаа за нас во првиот круг и сите оние кои што беа разочарани во првиот круг: гласајте за СДСМ! Немојте да ве залажува некој кој што со лажна реторика себе си се претставува како наследник на Христијан Тодоровски – Карпош, а од друга страна прави пакт со наследниците на Ванчо Михајлов да ве излаже. Едно такво лажење Македонија виде во 2006 година и видовте каде завршвиме“, посочи Ковачевски на вечерашниот митинг и додаде дека на 8-ми мај сите заедно одлучуваме каква иднина ќе градиме за нашите деца и внуци.
Македонија
(Видео) Пендаровски: Ако згрешиме на 8-ми следува режим број 2
Ако сега, на осми мај ја згрешиме работата во изборот, понатаму ќе направат режим број два и нема да имаме слобода на избор, години и години нанапред, порача вечерва во Куманово кандидатот за претседател Стево Пендаровски.
Во одговор на прашање на граѓанин, Пендаровски истакна за тоа како ВМРО-ДПМНЕ организираше избори потсетувајќи на изборите од 2008 година кога таа партија убедливо победи, а правеше листи со имиња и презимиња на тогашните носители од опозиција.
„Во десетте години на Груевски ние немавме слободни избори, а народот не беше слободен да ја искаже својата волја. Од 1990 година сите избори кои ги организирала СДСМ како власт, биле фер и слободни, немало фалсификат, со нив, со ВМРО-ДПМНЕ тоа скоро секогаш е правило, освен со еден исклучок, како изборите 2002 година. Тоа се политички измамници, особено кога ќе им дојде крајот на мандатот, а уште немаат докрадено од народот“, порача Пендаровски.
Македонија
ДКСК: Вишиот Управен суд ја одби жалбата на Академијата за судии и јавни обвинители, постапката за прием на нови слушатели ставена во мирување
„Вишиот Управен суд донесе Пресудата со која се одби жалбата на Академијата за судии и јавни обвинители, со што ја потврди Пресудата на Управниот суд, и постапката за прием на 130 нови слушатели во почетна обука ја стави во мирување, се до завршување на изборите. Жалбата е одбиена како неоснована“, се наведува во соопштението од ДКСК.
„Државната комисија за спречување на корупцијата за овој предмет и за сите наредни предмети, постапи и ќе постапува врз основа на пропишаните закони и прописи, во насока на зајакнување на владеење на правото, како врвен приоритет кон кој цели државата.
Оваа Одлука на Вишиот Управен суд не охрабрува и ни дава поттик уште попосветено да ја вршиме работата за која ја добивме довербата“, се додава во соопштението на ДКСК.