Регион
Хан: Србија наскоро ќе отвори некое поглавје од преговорите
Еврокомесарот за соседска политика и пристапни преговори, Јоханес Хан изјавил дека е уверен оти Србија во наредните неколку недели или месеци ќе отвори некое поглавје од пристапните преговори со Европската унија (ЕУ), пренесува Танјуг.
Хан во четврток престојува во официјална посета на Србија, а по разговорите со српскиот премиер Александар Вучиќ изјавил дека праксата на Унијата најпрво да се отворат поглавјата 23 и 24, кои се однесуваат на владеењето на правото, правосудството и основните права.
„Тоа е впрочем новата методологија која започнавме да ја применуваме со Србија и Црна Гора. Нашата цел е уште од првиот ден новата држава членка да го има целосниот капацитет, не само формално, туку и материјално“, изјавил Хан и додал дека после тоа може да се отворат и поглавјата 31 и 32.
„Како што порача и вашиот премиер, Србија претставува столб на стабилноста во регионот, и таа треба да претставува столб на стабилноста и пример на својот пат кон ЕУ“, укажал еврокомесарот.
Австрискиот еврокомесар порачал дека во Белград пристигнал за уште еднаш да го увери српскиот народ и власта дека Европската комисија и европското семејство е партнер на Србија во патот кон членството во ЕУ.
„На тоа ќе работам и лично и често ќе бидам во Белград наредниот период, со цел да се обезбеди и придонесе што поскоро Србија да стане членка на Унијата“, изјавил Хан, додавајќи дека членството во ЕУ за Србија ќе претставува дополнителна вредност, „која на српските граѓани ќе им донесе благосостојба и повеќе пари во нивните џебови“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.