Здружението на стечајци УНИТ обвини денеска дека министерката за внатрешни работи Гордана Јанкуловска го прекршила законот за јавни собири со тоа што ја повлекла полицијата за време на протестите на стечајците и ги оставила сами да се справуваат со револтираните граѓани

Оваа реакција уследи по протестите на стечајците во четвртокот на главните влезни и излезни патишта во Скопје, кај Автокоманда и во Ѓорче Петров, со кои сообраќајот во градот беше парализиран, а возачите гневни.Претседателската за здружението на кумановските стечајци Лилјана Георгиевска соопшти дека и огнено оружје било вадено на стечајците кои во четвртокот го блокираа патот Сарај-Тетово.„И порачуваме на Јанкуловска да не си игра со нашите животи, бидејќи проблемот така не се решава“, рече Георгиевска.Здружението УНИТ најави протести за петок нагласувајќи дека доаѓаат во се помал број бидејќи немаат финансиски средства и организиран превоз до Скопје.Од здружението јавно им се извинија на возачите во Скопје и побараа разбирање за нивната мака.Здружението на стечајци УНИТ во повеќе наврати организираше протести со Скопје, на кои бараа средба со премиерот и решавање на нивниот статус, односно да добиваат по 100 евра месечно до пензионирање или ново вработување.