Со повеќе од 120 конкретни проекти и уште толку потпроекти што значат исполнување на она што било ветено за претходната година, но и многи работи кои не биле ветени, Министерството за транспорт и врски ја мина најуспешната 2014 година.
 

Со повеќе од 120 конкретни проекти и уште толку потпроекти што значат исполнување на она што било ветено за претходната година, но и многи работи кои не биле ветени, Министерството за транспорт и врски ја мина најуспешната 2014 година.

„2014 –та ја посветивме на големи проекти во патната и железничката инфраструктруа и сообраќај,  воведовме нови авионски линии до европските дестинации, реализиравме голем број проекти во комуналната сфера, обезбедивме бесплатна изработка на геодетски елаборати за ранливите категории на граѓани, ја започнавме гасификацијата на земјата, за прв пат воведовме бродска линија кон Република Албанија, започнавме со уредување на плажите на Охридското, Преспанското и Дојранското Eзеро и уште многу други проекти“, рече во својот отчет министерот Миле Јанакиески.

Потсети дека во патната инфраструктура, по неколку децении почна изградба на 104 километри нова автопатска мрежа, два нови модерни автопати „Гоце Делчев“, автопат кој води од Скопје до Штип со должина од 47 километри и инвестиција од 206 милиони евра. До крај на 2014 година  половина од трасата е пробиена. Другиот автопат „Мајка Тереза“ кој води од Кичево до Охрид претставува најголема инвестиција во последните 50 години. Изградбата на овој автопат е во висина од 374 милиони евра а автопатот е долг  57 километри. До сега пробиени се околу 25 отсто од трасата. 

„Во соработка со Јавното претпријатиеза државни патишта започнавме со рехабилитација на делницата од Велес до Катланово со должина од 23,5 километи и инвестиција од 5,5 милиони евра. Распишавме јавен повик и за рехабилитација на делницата од Смоквица до Гевгелија и се припреми цела документација за патниот правец Куманово Миладиновце и обратно со што комплетно ќе се заокружи изградбата на модерен автопат на Коридорот 10“, додаде Јанакиески.

Во 2014 се потпиша договор со ЕБОР за финансирање на изградба на уште четири нови патни правци и тоа Градско -Прилеп,  Штип Кочани, Охрид -Пештани и Требениште -Струга. 

Изминатата година започна третата фаза од проектот рехабилитација на 13 мостови  на Коридор 10 инвестиција од 8,6 милиони евра , проект кој се реализира во соработка со НАТО.

Се воведува електронски систем за наплата на патната такса како и проширување на патарините долж Коридорот 10 инвестиција од 18,7 милиони евра.

„Продолживме со транспаретнна распрделба на ЦЕМТ дозволите и автобуските линии, обезбедивме уште 2900 дополнителни транспортни дозволи. За прв пат и први во РМ воведовме елктронски испит за полагање за сертификат за превоз во меѓународниот сообраќај“, рече Јанакиески. 

Во железничката инфраструктура, започна поврзување кон Албанија и Бугарија, а се реконструираат и пругата од Битола до граница со Грција, реконструкција на Железничката станица во Скопје и 10-те железнички станици на Коридорот 10. Почна обновувањето на возниот парк во железницата. Во тек е пристигнување на 150 нови товарни вагони. Се обезбедија бесплатни патувања за студентите и пензионерите.

Преку проектот за финансиска поддршка за нискобуџетни компаниии се воведоа пет нови дестинации кон Франкфурт, Париз, Брисел, Келн и Рим и уште пет нови дестинации од скопскиот аеродром и една редовна линија од охридскиот аеродром.

„Еден од најголемите предизвици во 2014 година беше Гасификацијата на земјата.  Распишавме јавни повици за гасификација на Скопскиот регион кој вклучува 17 општини, како и за Регион 2 и 3 , инвестицијата е преку 150 милиони евра“, рече Јанакиески.

Продолжи изградба на станови за социјално ранливите категории на граѓани и тоа  25 стана во Демир Хисар, 18 во Ресен и 76 станови во Прилеп. Очекуваме овие комплетно да ги завршиме во првата половина од 2015 година. Исто така беа доделени 91 стан во Штип.

Во 2014 година се продолжи со продажба на неизградено земјиште по цена од 1 евро за квадрат, се уредуваа плажи на Дојранското Езеро, на Преспанското Езеро, како и на Охридското Езеро.

 За прв пат се воведе и бродска линија меѓу Охрид и Поградец, Албанија.

„Со непроменлив ентузијазам влегуваме и во новата година. Можам само да ви најавам дека  2015 година ќе биде исто така година на реализација на големи инфраструктурни проекти“, додаде Јанакиески./крај/мф/бб