Македонија
Проекти на млади истражувачи презентирани на изложбата „Наука на младите“
Четириесетина проекти на млади истражувачи, во петок беа презентирани на изложбата „Наука на младите“ која се одржа во Народната канцеларија на Претседателот на Република Македонија.
На втората изложба на проекти која се организираше по повод Светскиот ден на науката за мир и развој беа презентирани 43 проекти на ученици од основни и средни училишта од 12 градови во Македонија кои добиле награди на Државни натпревари на млади истражувачи организирани од Народна техника на Македонија, како и наградени иновативни проекти на МАКИНОВА и ЕКОНОВА 2013.
Исто така, беа исложени и десетина експонати на студентите од Факултетот за електротехника и информациски технологии при Универзитетот „Св. Кирил и Методиј“.
Ова претставуваше можност за средба на основците и средношколците со студентите, меѓусебно запознавање и размена на искуства и мислења, како и можност за воспоставување контакти и работа на идни заеднички проекти.
„Проектите сами по себе зборуваат за нивното високо едукативно и апликативно ниво, како и за широкиот дијапазон знаење за новите технологии што го имаат младите истражувачи“, рече професор д-р. Христина Спасевска претседател на Сојузот на здруженијата за техничка култура на Македонија-Народна техника при свеченото отворање на изложбата.
Изложбата „Наука на младите“ ја организираат Сојузот на младите истражувачи на Македонија – Наука на младите при Народна техника на Македонија во соработка со Факултетот за електротехника и информациски технологии при Универзитетот „Св. Кирил и Методиј“ и таа прераснува во традиционална манифестација при одбележување на Светскиот ден на науката со специјален акцент на младите научници и истражувачи.
„Искрено се надевам дека оваа средба ќе биде поттик да им се придружите на вашите идни колеги кои сакаат да работат наука, и да станете дел од факултетите за техника и природни науки“, се обрати пред присутните проф.др. Миле Станковски, декан на ФЕИТ.
Како и минатата, така и оваа година претседателот на државата д-р. Ѓорѓе Иванов им излезе во пресрет на овие надежни млади умови. А со своето лично присуство им приреди големо изненадување, и уште еднаш ја потврди својата определба и заложба за поддршка на развојот на науката.
Покрај Претседателот, изложбата ја посетија проректорите на Универзитетот Св. Кирил и Методиј, како и голем број професори од основните, средните училишта и Факултетот за електротехника и инфомрациски технологии.
Изложбата ја посетија повеќе 150 основци и средношколци кои што имаа можности да ги разгледаат проектите и да се едуцираат од своите повозрасни соученици, студенти на ФЕИТ. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево, од среда пороен дожд и грмежи
Времето денеска ќе биде сончево со мала до умерена локална облачност и со слаб до умерен ветер од јужен правец. Попладне во планинските региони ќе има услови за изолирана појава на краткотраен пороен дожд. Минималните температури ќе бидат во интервал од 3 до 10, а максималните ќе достигнат од 20 до 26 степени.
Во Скопје ќе преовладува сончево време со мала облачност и со слаб ветер од јужен правец. Минималните температури ќе се спуштат до 8, а максималните ќе достигнат до 26 степени.
Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, а локално процесите ќе бидат поинтензивни и во форма на невреме со пообилни врнежи и засилен ветер. Потоа условите за нестабилно време ќе се намалуваат.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.