Кредит во износ до 160 милиони евра одобри Европската банка за обнова и развој (ЕБОР) за Јавното претпријатие за државни патишта (ЈПДП), компанија во сопственост на Република Македонија, која е надлежна за управување и одржување на државната и регионалната патна мрежа во државата, објавија во петокот од Банката
 
 

Кредит во износ до 160 милиони евра одобри Европската банка за обнова и развој (ЕБОР) за Јавното претпријатие за државни патишта (ЈПДП), компанија во сопственост на Република Македонија, која е надлежна за управување и одржување на државната и регионалната патна мрежа во државата, објавија во петокот од Банката

„Гледаме потреба од развој на инфраструктурата во земјата, како еден од клучните приоритети на ЕБОР во Македонија. Големите инвестиции во транспортната инфраструктура се од големо значење за регионалната интеграција на земјата, кои се основа за промовирање на растот и просперитетот. Ни претставува задоволство да помогнеме да се прошири и подобри македонската патна инфраструктура, и со тоа да се зголеми стандардот во рамка со најдобрите практики“, рече Су Барет, директор на транспорт во ЕБОР.Кредитот ќе биде обезбеден со државна гаранција и  ќе биде пласиран во две транши. Со тоа ЕБОР ја подобрува регионалната поврзаност на Западен Балкан, преку финансирање на изградбата и реконструкцијата на два дела од државните патишта во Македонија. Првата транша во износ од 74 милиони евра, ќе биде искористена за реконструкција на патниот правец меѓу Штип и Кочани, како и изградба на патниот дел меѓу селата во централниот дел од земјата, Раец и Дреново. Од 2001 година, ова претставува четврта инвестиција на ЕБОР во македонскиот патен сектор.„Ни претставува задоволство да развиваме силно долгорочно партнерство со ЕБОР. Приоритетно е да ги поврземе македонските региони преку националните и меѓународните конекции. Овој проект е од корист за жителите на Македонија и им помага да ја поттикнат трговијата и да создадат нови работни места,” рече Љупчо Георгиевски, генерален директор на Јавното претпријатие за државни патиштаКлучен елемент на инвестицијата е подобрување на безбедноста на патиштата. Покрај обезбедувањето подобри патишта, ќе се надгради и капацитетот и ќе бидат направени и ревизии на безбедноста на патната инфраструктура. Дополнителни финансирања се обезбедени и од Централната европска иницијатива.„Добро развиената и современа инфраструктура е критична во постигнувањето на одржливиот економски развој. Ова е витално за регионот на Западен Балкан, каде се во изградба новите патни врски, кои ги поврзуваат не само земјите во регионот, туку и останатиот дел од Европа, со тоа остварувајќи ги аспирациите да станат интегрален дел од Европа. Македонските државни патишта се главната конекција на регионалните економски центри и стратешките меѓународни гранични премини со Албанија, Бугарија, Грција, Косово и Србија”, истакна Анка Јоана Јонеску, шеф на канцеларијата на ЕБОР во Скопје.ЕБОР започна со инвестирање во македонската економија во 1993 година. До денес во земјата, има потпишано над 90 проекти, со нето кумулативен бизнис волумен од над 1,2 милијарди евра./крај/мф/сн

Извор: Макфакс