Свет
Пет години по цунамито во Азија
Во сабота, 26-ти декември се одбележуваат пет години од катастрофалните цунами бранови кои ја погодија јужна Азија во 2004 година
Животите во цунамито ги загубија речиси 230 илјади луѓе во вкупно 11 држави кои излегуваат на Индискиот Океан. Цунамито беше предизвикано од силен земјотрес со 9.1 степени според Рихтеровата скала со епицентар во близината на индонезискиот остров Суматра, а брановите кои настанаа по земјотресот достигнаа до 30 метри.Најпогодени држави од цунамито во 2004 г. беа Индонезија, Шри Ланка, Индија и Тајланд. Земјотресот во Суматра се смета за третиот најсилен земјотрес во историјата. Шведска и Германија беа од европските држави кои загубија по околу 500 државјани во цунамито. Познатиот англиски режисер Ричард Атенброу ги загуби своите ќерка и внука, а познатата манекенка Петра Немцова беше тешко повредена, но го преживеа цунамито.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.