Македонија
МОН: Тендер од 11 милиони евра за 56 лаборатории

Министерството за образование и наука (МОН) наредната недела ќе објави тендер во износ од 11 милиони евра за набавка на 56 научно истражувачки лаборатории.
Министерството за образование и наука (МОН) наредната недела ќе објави тендер во износ од 11 милиони евра за набавка на 56 научно истражувачки лаборатории.
„Ќе бидат опремени лабораториите на јавните високообразовни и научните установи, ќе се набават лаборатории за фармацевтска и микро и нано технологија, за форензичка криминалистика и форензичка патологија, лабораторија за детски дијабетис, за инвитро фертилизација и замрзнување на полови клетки“, рече Никола Тодоров, министер за образование и наука.
МОН ќе опреми и ембриони лаборатории за дигестивна ендоскопија, вирусолошка, хистолошка лабораторија за дијагноза на болестите, за матични клетки и фото и видео лаборатории.
Тодоров рече дека со форезничка лабораторија ќе се овозможи и полесно откривање на сторителите на кривичните дела, а лабораторијата за фото и видео ќе се овозможи снимање на операциите за олеснување на образовниот процес.
„Бидејќи се работи за сложена опрема министерството овој тендер ќе го објави со 100 отсто цена и истиот ќе биде набавен на електронска аукција, сакаме да потенцираме дека сме заинтересирани целиот процес да биде транспарентен“, рече министерот за образование.
Лабораториите се очекува да бидат опремени во текот на наредната година кои ќе придонесат за подобрување на научно истражувачкиот кадар и можност студентите да се здобијат со поголемо знаење. /крај/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Скопје
(Видео) Храбри полицајци гаснеа пожар во Бутел и завршија во болница, Костовски најави награда

Двајца полицајци од полициската станица Бутел денеска покажаа вистински херојство откако ги ризикуваа свои животи за да помогнат во гасењето на пожар кој се закануваше на детска градинка и училиште во општината. Дарко Стајковски и приправникот Филип Стојчевски, при интервенцијата вдишале јаглерод моноксид, поради што се пренесени на Клиниката за токсикологија во Скопје.
За среќа, лекарите потврдуваат дека нивната здравствена состојба е стабилна и дека се под постојан медицински надзор.
Градоначалникот на Бутел, Дарко Костовски, ја поздрави нивната храброст и најави дека општината ќе ги награди.
„Секоја чест за Дарко и Филип! Ова е вистински пример за пожртвуваност и љубов кон заедницата. Благодарение на нивната брза реакција спречена е голема трагедија и спасени се животи. Општината Бутел ќе се погрижи нивниот чин да не остане незабележан“, изјави Костовски.
Во гаснењето на пожарот учествуваа и други екипи, за кои градоначалникот додаде дека исто така ќе бидат соодветно наградени.
Скопје
(Видео) Вистинска драма кај „Борис Трајковски“, евакуација на публика, 9 полицајци завршија во болница

Попладнево околу 16 часот во близина на Спортскиот центар „Борис Трајковски“ во Скопје изби пожар кој предизвика паника кај учесниците и посетителите на меѓународниот ракометен турнир. Благодарение на брзата реакција на полициските службеници и противпожарните екипи, спречено е ширење на огнените јазици кон паркираните возила, околните објекти и лизгалиштето кое е во рамки на спортскиот комплекс.
Според информациите, полицијата извршила навремена евакуација на сите спортисти, спортски работници и публика, со што е избегната поголема несреќа.
Како последица на вдишаниот чад, девет полициски службеници завршија на Одделот за токсикологија каде им е укажана лекарска помош и се на кислородна поддршка. Од болницата информираат дека сите се во стабилна состојба.
Надлежните служби остануваат на терен за да ги утврдат причините за пожарот.
Македонија
„Марш на ангелите“: Кој ги штити виновниците, прашаа родителите во Кочани

Во Кочани денеска се одржа 20-тиот „Марш на ангелите“, тивок протест во спомен на жртвите од трагедијата во дискотеката „Пулс“. Родителите и семејствата на загинатите уште еднаш упатија силни пораки за правда, обвинувајќи дека институциите го штитат криминалот наместо младите животи.
Пред Полициската станица во Кочани тие порачаа дека системот потфрлил затоа што, како што рекоа, имало „заштитници и соучесници во униформа“. Тие побараа неселективна и транспарентна истрага, како и одговор од ОЈО ГОКК за тоа до каде е постапката против вработените во МВР.
„Зошто тие сè уште се на слобода?“ – прашаа родителите.
Маршот започна во 17:05 од „Паркот на револуцијата“, минувајќи низ центарот на градот и завршувајќи пред Основниот суд и Основното јавно обвинителство во Кочани. Таму семејствата порачаа дека нивната борба не е само за сопствените загубени деца, туку за секое дете во државата.
„Без независен и некорумпиран судски систем, вакви трагедии ќе се повторуваат. Нашите деца ги нема, но вие имате обврска да ја истерате правдата“, изјавија родителите.
Маршот, проследен со силен ветер, заврши со апел до институциите конечно да ја преземат одговорноста и да ја докажат вистинската правда.