Свет
30 месеци затвор и протерување за Евреинот Гидеон Сандел
Според обвинението Сандел со кредитни картички извршил измама и проневерил поголема сума пари, а Судскиот совет реши тој на фирмата Дајнерс да им врати 814 040 денари
ИЗРЕЧЕНА ПРЕСУДА ЗА ИЗМАМА СО КРЕДИТНИ КАРТИЧКИ ПРОТИВ ИЗРАЕЛСКИ БИЗНИСМЕН
Според обвинението Сандел со кредитни картички извршил измама и проневерил поголема сума пари, а Судскиот совет реши тој на фирмата Дајнерс да им врати 814 040 денари
Израелецот Гидеон Сандел обвинет за кривично дело: измама вчера судскиот совет во Основниот суд 1 во Скопје го прогласи за виновен и му изрече затворска казна од две години и шест месеци. Сандел по правосилноста на пресудата треба да одлежи 4 месци помалку оти толку време бил во притвор. По издржувањето на казната Судот реши тој да биде протеран од државата и да му се забрани влез во наредните четири години. На ваквата одлука сега осудениот Сандел има право на жалба пред Апелациониот суд во Скопје. На соопшувањето на пресудата не присуствуваше обвинетиот и неговиот адвокат. Адвокатката беше на друго судење. Во судницата присуствуваше судки преведувач од српски јазик.
Според обвинетието Сандел со кредитни картички извршил измама и проневерил поголема сума пари. Судскиот совет реши Сандел на фирмата Дајнерс да им врати 814 040 денари.
Овој судски процес траел осум години оти за Сандел судот не можеше да му обзеди преведувач. Минатата седмица беа завршните зборови и неговиот адвокат Јагнула Куновска побара ослободителна пресуда. Таа кажа: Наводите во обвинението се само претпоставки, а не факти. Судот треба да го ослободи обвинетиот оти тој е жртва , а не сторител на измама. Врз него судот изврши јазична тортура и така ги прекрши неговите права да се брани на неговиот мајчин јазик- хебрејски”. Според Куновска тој зборува македонски, српски и англиски ама не доволно добро за да се брани во судот.
Сандел својот завршен збор на судот го предаде во писмена форма на хебрејски јазик. Тој тврди дека во судската процедура се користеле копии од документи кои не се докази.
Во одбрана на правата на Сандел застанаа педест и тројца еврејски бизнисмени. Тие го обвинија македонското судство за антисемистичко однесувањен кон евреинот Сандел. Според нив со ова не се придонесува за зацврстување на комерцијалните контакти меѓу Македонија и Израел и донесување на Еврејски инвестиции во земјава. (К.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хирург за ранетите во Либан: Извршив повеќе операции на очите за една ноќ отколку во целата моја кариера
Либански хирурзи сведочат за повредените кои ги лекувале два дена по експлозијата на пејџерите, и воки-токи и им нанеле бројни рани.
Хирургот Илиас Џараде изјавил дека лекувал жени и деца, но дека повеќето пациенти кои ги видел биле млади мажи, пишува Би-Би-Си.
Хирургот кажал дека повеќето од пациентите биле „тешко повредени“ во експлозијата на пејџери и дека многумина го изгубиле видот на двете очи.
Докторот Џараде вели дека ранетите на кои им помогнал биле „главно цивили“.
„И, да, многу е тешко. Мора да се оградите. Повеќе или помалку, ти си робот. Мора да се однесуваш така, но внатре си длабоко повреден. Гледаш повредена нација“, раскажува хирургот.
Хирурзите како него работеа речиси 24 часа на ден на ранетите, од кои многумина го изгубиле видот или рацете, изјави министерот за здравство на земјата за Би-Би-Си.
Специјалистот за очи, професорот Илиас Варак, изјави за Би-Би-Си на Арапски дека отстранил повеќе оштетени очи за една ноќ отколку што тоа го направил порано во својата кариера.
„Беше многу тешко. Повеќето од пациентите беа млади мажи на дваесеттите години и во некои случаи морав да им ги извадам двете очи. Во целиот мој живот, никогаш не сум видел сцени слични на оние што ги видов вчера“, рече тој.
Министерот за здравство Фирас Абијад изјави за Би-Би-Си дека повредите на жртвите ќе се покажат како промени во животот.
„Ова е нешто што, за жал, ќе бара многу рехабилитација“, рече тој.
Околу 3.200 луѓе беа повредени, од кои повеќето во нападот во вторникот во кој беа детонирани илјадници пејџери.
Свет
Трамп: Ако победи Камала, Израел ќе престане да постои во рок од две години
Републиканскиот претседателски кандидат Доналд Трамп изјави дека еврејските американски гласачи ќе бидат делумно виновни доколку тој ги загуби изборите на 5 ноември и ако победи актуелниот потпретседател и кандидат на демократите Камала Харис.
Во говорот на Националниот самит на израелско-американскиот совет во Вашингтон, поранешниот американски претседател се пожали дека заостанува зад Харис меѓу американските Евреи.
„Израел веројатно ќе престане да постои во рок од две години доколку Харис победи на изборите, а Евреите ќе бидат делумно виновни за тој исход, бидејќи тие имаат тенденција да гласаат за демократи“, тврди Трамп.
„Ако јас не победам на овие избори, а еврејскиот народ, ако тоа навистина се случи, ќе има многу врска со тоа бидејќи 40 отсто, мислам, 60 отсто од нив гласаат за непријателот – Израел, според мое мислење, ќе престане да постои во рок од две години“, им рече Трамп на толпата.
Трамп се осврна на анкетата која покажа дека Харис освоила 60 отсто од гласовите меѓу американските Евреи. Во исто време, тој изрази жалење што на изборите во 2016 година, на кои победи, и на изборите во 2020 година, на кои победи демократскиот претседател Џо Бајден, доби помалку од 30 отсто од гласовите на американските Евреи.
Регион
Сопругата на Трифуновиќ: Сергеј е казнет за меме-фотката, но не е нејзин автор
Сопругата на Сергеј Трифуновиќ, Исидора проговори за неодамнешниот случај на српскиот актер. Таа во интервју за ТВ Блиц изјави дека актерот е осуден на една година затвор условно и дека мора да ја напушти Хрватска до 22 септември.
„Сергеј е казнет за меме фотографија, тој не е автор на таа фотографија, тој е дистрибутер. Фотографијата е спорна. Овој случај нема врска со оној од минатата година во Сплит. Сергеј тогаш беше осуден и плати. Имајќи предвид дека тој не беше на територијата на Република Хрватска кога ја сподели таа фотографија, не ни е јасно дали важат хрватските закони“, изјави Исидора.
„Нему му е забранет влез во Хрватска на три месеци. Тој мора да ја напушти Хрватска до 22 септември“, додаде таа, а потоа раскажа како таа и Сергеј го поминале времето во Хрватска откако тој бил ослободен.
„Одморивме, прошетавме, тој е разочаран поради начинот на кој го третираа. Не се чувствува добро за околностите. Моите родители живеат во Хрватска, никој не ни гарантира што ќе биде следниот пат ако решиме заедно да ги посетиме“, заклучи Исидора.
Сергеј Трифуновиќ беше уапсен во вторник околу полноќ на граничниот премин Бајаково додека преминувал од Србија кон Хрватска. Потоа бил спроведен во Општинскиот суд за прекршоци во Сплит. Трифуновиќ пред судот изјави дека не се чувствува виновен за она за што е обвинет.