Свет
Јапонските власти можеа да ја спречат нуклеарната катастрофа

Додека екипа на пожарникари и стручњаци се обидуваат да ја воспостават контролата над реакторите на нуклеарката Фукушима, на јапонската јавност и стана јасно дека оваа нуклеарна централа требала да биде исклучена уште одамна, истакнува денeс радио Дојче Веле.
Додека екипа на пожарникари и стручњаци се обидуваат да ја воспостават контролата над реакторите на нуклеарката Фукушима, на јапонската јавност и стана јасно дека оваа нуклеарна централа требала да биде исклучена уште одамна, истакнува денeс радио Дојче Веле.Реaкторот 1 во нуклеарната централа Фукушима требал да престане со работа 40 години по пуштање во погон. Сепак фирмата ТЕПКО и јапонската Агенција за нуклеарна енергија и го продолжиле работниот век за десет години. Тоа е трагичен резултат од долгогодишниот непотизам, на кој политичарите, властите и претпријатијата не сакаа да му застанат на пат, наведува германското радио. „Првата контрола спроведена последните години не функционираше добро. Имаше многу незгоди и хаварии, но системот таков каков што е, никогаш не беше доведен во прашање. Ова е недостаток на планови, но и било какви договори со полицијата или војската, што доведе до тоа луѓето беспомошно да гледаат што се случува,“ истакнува Мартин Шулц, економист на институтот „Фуџи рисрч“ во Токио. Бидејќи претседателот на ТЕПКО беше болен и не се појавуваше во јавноста, првото извинување стигна дури три недели по катастрофата.„Се извинуваме што на граѓаните и општеството им приредивме ваква незгода и им нанесовме болка“ изјави шефот на Управниот одбор на ТЕПКО, Цунехисе Касумате.Јапонската влада има намера да ја презеде ТЕПКО. И покрај оваа катастрофа, Јапонија нема да се откаже од нуклеарната енергија, но сигурно е дека граѓаните повеќе нема да дозволат изградба на нуклеарки во своето соседство, посебно не на трусни подрачја, истакнува Дојче Веле. Радиото наведува дека антиатомското движење во Јапонија е во зародиш и дека на демонстрациите обично нема повеќе од 1000 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Премиерот на Канада: Путин се плаши да се сретне со Зеленски

Рускиот претседател Владимир Путин се плаши да се сретне со украинскиот претседател Володимир Зеленски за да разговара за условите за завршување на војната, изјави канадскиот премиер Марк Карни на заедничката прес-конференција со германскиот канцелар Фридрих Мерц.
Како што објави Укринформ, Карни рече дека Путин постојано поставува нови услови и ги одложува работите затоа што се плаши од состанокот. Според канадскиот премиер, Зеленски е подготвен да се сретне со Путин на која било неутрална територија.
Премиерот на Канада нагласи дека Зеленски не очекува Путин да дојде во Киев или дека самиот ќе патува во Москва за таков состанок. Сепак, секоја неутрална локација би била прифатлива, додаде Карни.
Тој рече дека е клучно сојузниците на Украина да продолжат да даваат поддршка додека не се одржи таков состанок.
Фото: принтскрин
Свет
Зеленски: Од украинска страна, сè ќе биде што е можно поподготвено за да се стави крај на војната

Украинскиот претседател Володимир Зеленски објави дека во текот на оваа недела претставниците на таа земја ќе имаат повеќе меѓународни контакти, што би можело да биде чекор кон завршување на војната со Русија, како и дека „сè ќе биде максимално подготвено за завршување на војната“ од украинска страна.
„Оваа недела ќе има контакти со Турција, ќе има контакти со земјите од Заливот, со европските земји, што може да биде платформа за разговор со Русите“, рече Зеленски во вечерното видео обраќање, пренесува Укринформ.
Тој рече дека е важно земјите-партнери на Украина да го потврдат ова.
„Дури и во иднина, сè ќе зависи исклучиво од волјата на светските лидери, првенствено на Соединетите Американски Држави, да извршат притисок врз Русија“, нагласи Зеленски.
Според него, потребни се нови чекори и нов притисок преку санкции и царини за да се принуди Русија да ја заврши војната.
„Тукушто одржав состанок со дипломатскиот тим – Министерството за надворешни работи, Канцеларијата, сите. Подготвуваме нови контакти со лидерите на земјите партнери. Очекуваме дека наредните недели ќе бидат многу активни“, додаде Зеленски.
Фото: принтскрин
Свет
Трамп: Нема да има светска војна, но ќе има економска

Претседателот на САД, Доналд Трамп, изјави дека е подготвен да воведе економски санкции врз Русија доколку рускиот претседател Владимир Путин не се согласи на прекин на огнот, предупредувајќи на сериозни последици.
„Сакаме да заврши. Имаме економски санкции. Зборувам за економски бидејќи нема да влеземе во светска војна“, рече Трамп.
Трамп не постави нова временска рамка за спроведување на санкциите доколку војната во Украина не престане, објави Си-Ен-Ен.
„Нема да има светска војна, но ќе има економска војна. Ќе биде лошо за Русија“, рече Трамп.
Тој изрази надеж дека сè уште постои пат до медијација во постигнувањето договор за прекин на војната во Украина.
Трамп, исто така, повторно посочи дека украинскиот претседател Володимир Зеленски носи дел од вината за конфликтот.
„Она што мислев дека ќе биде најлесно, се покажа како најтешко“, рече Трамп за војната во Украина, наведувајќи дека сè уште мисли дека ќе може да помогне во прекинувањето на тој конфликт.
Трамп неколку пати се закани со воведување санкции кон Русија ако не ја заврши војната во Украина и постави временски рамки за тоа, но подоцна ги продолжи, потсетува CNN.
Фото: принтскрин