Свет
Франција се залага за транзиција на Сирија без Асад
Францускиот министер за одбрана Жан-Ив Ледриан се зазема во саботата во Абудаби за помош во граѓанската војна во Сирија, повикувајќи на политичка транзиција којашто би го исклучувала учеството на претседателот Башар ал-Асад.
„Имајќи ја предвид големата цена која сирискиот народ веќе ја плати, мораме брзо, како никогаш досега, да реагираме за да ги надминеме поделбите и да овозможиме политичка транзиција“, изјави шефот на француската дипломатија Жан-Ив Ледриан, пред учесниците на конференцијата за одбраната во Персискиот залив организирана во Абудаби.
Промените во Сирија мораат да претставуваат „транзиција во која нема да има место за претседателот Асад“, рече Ледриан.
Франција е постојана членка на Советот за безбедност при Обединетите нации, каде што Русија и Кина досега трипати искористувајќи го правото на вето блокираа носење резолуции за Сирија. Според Москва и Пекинг, станува збор за еднострано обвинување на режимот на сирискиот претседател Башар ал-Асад а не и на вооружената опозиција, а исто така, со тоа се отвора и можност за повторување на ткн Либиско сценарио, односно странска воена интервенција.
Според последните податоци на ОН во граѓанската војна во Сирија, којашто прераснува во меѓуконфесионален конфликт, загинале околу 70 илјади луѓе. Според Сириската опсерваторија за човекови права со седиште во Лондон, бројот на загинатите во 23-месечните судири во земјата загинале повеќе од 50 илјади луѓе, додека, пак, според официјален Дамаск, бројот на жртвите е двојно помал, и тоа претежно станува збор за припадници на безбедносните сили „кои се судираат со терористички групи оркестрирани од странство“.
Во петокот сириската опозициска коалиција истакна дека претседателот Асад и главните носители на неговиот режим мора да бидат исклучен од секој дијалог за решавање на судирот во земјата.
Коалицијата оваа оцена ја изнесе откако водеше внатрешна расправа за предлогот на својот претседател Ахмед Моаз ал-Хатим, кој пред десетина дена најави можност за почеток на преговори со претставниците на режимот, што предизвика критики во редовите на опозицијата којашто е разединета по разни основи./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.