Свет
Ослободен новинарот на „Гардијан“, исчезнаа четворица на „Њујорк тајмс“
Дописникот на британскиот весник Gaurdian, Гаит Абдул-Ахад, кој беше уапсен пред две недели во Либија од војници лојални на Гадафи е ослободен и безбедно ја напуштил земјата, додека четворица новинари на New York Times исчезнале откако последен пат контактирале со редакцијата во вторникот наутро
Ослободувањето на новинарот на Guardiаn, Гаит Абдил-Ахад во средата попладне преку Твитер го објави главниот и одговорен уредник на весникот, Алан Расбриџер. Абдул-Ахад и неговиот колега од Бразил, Ендрју Нето беа уапсени на 2-ри март во западниот дел на Либија, каде што влегле од Тунис. Кога последен патстапиле во контакт со нивните редакции, тие се наоѓале во близина на либискиот град Аз-Завија, 40 километри западно од престолнината Триполи. Според Guardian, тие биле префрлени во затвор во предградие на либискиот главен град. Бразилскиот новинар Нето беше ослободен пред една седмица, но владата на Либија во затворот го задржа новинарот на реноминираниот британски весник, и покрај протестите од светските новинарски здруженија и организациите за заштита на човековите права. „Задоволни сме што Гаит е ослободен и безбедно ја напушти Либија“, напиша Расбриџер. Ирачанецот Гаит Абдул-Ахад е еден од најпознатите дописници на Guardian, кој се јавува од „најжешките точки“, честопати преку приказните на обичните луѓе. Добитник е на повеќе професионални награди, а со британскиот весник соработува од 2004 г.Како што изјави во средата попладне извршниот уредник на The New York Times, Бил Келер, претставници на весникот контактирале со претставници на официјалните власти во Триполи и добиле уверување дека властите се обидуваат да ја утврдат точната локација на четвроицата исчезнати новинари.„Изразуваме голема благодарност до владата во Триполи за нивната помош да бидат ослободени во најкус можен рок нашите новинари, и неповредени, доколку тие се лишени од слобода“, стои во изјавата на Келер.Исчезнати се уредникот на бејрутското дописништво на редакција The New York Times, Ентони Шадид, репортерот и снимател Стивен Фарел, кој беше заробеник од страна на талибаните во 2009 г., и двајцата фотографи Тајлер Хикс и Лисни Адарио коишто работат во Африка и на Блискиот Исток.Весникот потсетува дека од почетокот на немирите во арапскиот свет, работата на новинарите во регионот стана многу опасна. За време на бунт во Египет против режимот на Хосни Мубарак, новинарите беа напаѓани, малтретирани и апсени. Двајца новинари на The New York Times, исто така, беа уапсени во Египет, но беа набрзо ослободени неповредени. Минатата седмица четири дописници на британската радиодифузна мрежа BBC беа приведени од страна на безбедносните сили на режимот на Моамер ел- Гадафи во Либија. Тие биле малтетирани и тепани со кундаци од пушки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.