Свет
Тајванската опозиција по повеќе од половина век во посета на Кина
Делегација на главната тајванска опозициона партија отпатува денеска за Кина каде ќе се обиде да ги намали тензиите, откако Пекинг го усвои антисецесискиот законот со кој е допуштена употреба на сила во случај Тајван да порогласи независност.
Делегација на главната тајванска опозициона партија отпатува денеска за Кина каде ќе се обиде да ги намали тензиите, откако Пекинг го усвои антисецесискиот законот со кој е допуштена употреба на сила во случај Тајван да порогласи независност. Ова е прва посета на Куоминтанг (Националистичката партија) откако партијата беше поразена во Пекинг во 1949 година и беше присилена на бегство на Тајван, кој така стана “бунтовничка“ покраина. “Се надеваме дека ќе помогнеме во намалувањето на напнатостите и ќе го сториме тоа што не и успева на тајванската влада“, рече Чиан Пи -кунг, потпретседател на Куоминтанг. “Исто така ќе разговараме за билатералните односи – отворање на директни транспортни врски и јакнење на заштитата на тајванските бизнисмени во Кина“, рече Чианг кој води делегација од 30 луѓе. Аналитичарите посетата ја сметаат за вовед на официјалната посета на претседателот на Куоминтангот Лиен Чан./крај/хн/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.