Регион
Косово од Србија ќе бара воена отштета и дел од наследството од СФРЈ
Новата влада на Косово нема да го условува дијалогот со Србија со признавање на суверенитетот и независноста, но на листата од барањата, меѓу другото, ќе ги стави барањето за исплата на воена отштета и барањето за поделба на имотот од поранешната заедничка држава СФРЈ, пишуваат во вторникот приштинските и белградските електронски медиуми.
Новата влада на Косово нема да го условува дијалогот со Србија со признавање на суверенитетот и независноста, но на листата од барањата, меѓу другото, ќе ги стави барањето за исплата на воена отштета и барањето за поделба на имотот од поранешната заедничка држава СФРЈ, пишуваат во вторникот приштинските и белградските електронски медиуми.
Нацртот на програмата на владата на поранешната јужна српска покраина Косово и Метохија којашто по војната во 1999 година во 2008 година еднострано со поддршка на САД и главните земји од ЕУ прогласи независност, според тврдењата на приштинскиот дневен весник Koha ditore се занимава и со прашањето на сукцесијата, а се бара дел од наследство на поранешна Југославија, воени објекти на поранешната држава, дел од архивите на некогашната СФРЈ, како и одреден број дипломатко-конзуларни претставништва.
Владата во Приштина, како што пишува натаму весникот, наместо залагање за признавање на независноста, ќе остане силно ангажирана на целосното нормализирање на односите со Србија и продолжување на дијалогот. Весникот тврди дека во програмата на косовската влада, инаку, никаде не бил споменат реципроцитетот кога станува збор за признавањето на независноста, туку само било наведено дека цел е „Србија да го прифати фактот на суверенитетот на Косово“.
Меѓу врвните приоритетот за идната влада на Косово ќе биде прашањето за воспоставување „меѓународно призната граница меѓу двете држави“, како и прекинување на мешањето на Србија на Косово во областите коишто досега не беа предмет на преговорите за нормализирање на односите коишто се одвиваат во Брисел под покровителство на Европската унија, пишува Koha ditore.
Владата во Приштина се’ уште не е формирана, и покрај тоа што вонредните парламентарни избори се одржаа уште во јуни. На предвремените избори Демократската партија на Косово на Хашим Тачи освои приближно третина од гласовите што беше доволно да биде прогласена за победник на изборите, но и недоволно самостојно да формира владата. Склучувањето на коалициски договор меѓу Демократската партија на Косово на Тачи и Демократскиот сојуз на Косово на Иса Мустафа беше направено минатиот викенд, но засега нема информации дали претставниците на двете партии ставиле потпис на таков документ. Според неофицијални извори, досега се договорени „90 проценти од работите“ и останува само да се дооформи програмата за работа на новата влада.
Иако првично беше најавено дека премиер на новата влада ќе биде Мустафа, а Тачи ќе стане претседател на Косово по истекувањето на мандатот на сегашната претседателка Атифете Јахјага во 2016 година, сепак во Приштина не се исклучува можноста Тачи да остане на чело на владата, а Мустафа да стане претседател на парламентот.
Според последните изјави на политичките функционери на српската заедница на Косово, тие, пак, очекуваат во новата влада учествуваат со седум отсто од своите кадри./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србија се соочува со сериозен недостиг на работници во автосервисите
Србија се соочува со сериозен дефицит на квалификувани работници во автосервисите, а според проценките недостасуваат меѓу 30.000 и 40.000 занаетчии од сите профили. Овој проблем не е специфичен само за нашите соседи, туку е присутен и во цела Европа, каде автомеханичарите и каросериските работници се едни од најдефицитарните професии.
Побарувачка за механичари и машинисти
Една од најбараните групи занимања се механичарите и машинистите, каде што работодавачите бараат речиси 300 мајстори од овој профил во канцеларијата за труд. Интересно е што многу работодавци се подготвени да ги вработат овие работници и без претходно искуство, а понудените плати се движат од 70.000 до над 150.000 динари. Овој податок укажува на голема побарувачка за овој профил на работници и можности за добро платена работа дури и за оние без искуство.
Проблеми со незаконската работа
Еден од проблемите со кои се соочува оваа индустрија е незаконското вршење на сервисирање возила. Неофицијално, се проценува дека околу половина од автосервисите се диви, што создава сериозни проблеми и од аспект на фер конкуренција и од еколошки аспект. Имено, сервисерите на автомобили имаат обврски во однос на отстранувањето на опасниот отпад, како што е моторното масло, а незаконското извршување на овие работи може да има штетни последици за животната средина.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.