Седум ипол илјади Јапонци сакаат да се вратат на Курилските острови, изјави во интервју за радиото Ехо Москви, јапонскиот министер за надворешни работи, Сеиџи Маехерa

„Траба да се има предвид дека на четирите северни острови историски никогаш не живееле Руси, туку живееле само Јапонци“, нагласува јапонскиот минитер за надворошни работи Сеиџи Маехара, потврдувајќи дека т.н. „северни територии“ според официјално Токио се сметаат за древна јапонски територија. Говорејќи во врска со изгледите за потпишување мировен договор меѓу Русија и Јапонија, Маехара вели дека за тоа засега нема простор бидејќи „се уште не е завршен повоениот период“ во односите меѓу двете земји.Дводневната посета на Маехара на Русија доаѓа во време на уште една рунда од напнатите односи меѓу Москва и Токио, поврзани со територијалниот спор врзан околу Курилските острови.Од 1945 г., Јапонија ги бара островите Итеруп, Кунашири, Шикотан и Хабомаи, повикувајќи се на Договорот за билатералната трговија и границите од 1855 г. Враќање на островите под владение на Токио беше еден од условите за склучување мировен договор со Русија, кој не е потпишан и по завршувањето на Втората светска војна. Ставот на Москва е дека јужните Курилски острови влегле во составот на Советскиот сојуз по Втората светска војна и дека суверенитетот на Русија над нив е правно регулиран со соодветни меѓународни договори  и не треба да се доведува во прашање. На 7-ми февруари ова прашање повторно дојде на дневен ред во односите меѓу двете држави, кога во Јапонија беше одбележан Денот на северните територии, како што Јапонците ги нарекуваат четирите острови подари кои се води овој територијален спор.Јапонските ултра-радикали кои бараат присоединување кон Јапонија на „северните територии“, во вторникот ги скинаа руското знаме пред влезот на руската амбасада во Токио. Истовремено, јапонскиот премиер Наото Кан, говорејќи на националната конвенција зборуваше за враќањето на „северни територии“, нарекувајќи ја посетата на руски претседател Дмитриј Медведев на островот Кунашири „неоправдана грубост“. Истиот ден во руската амбасада во Токио непознато лице испратило коверт со куршум и порака „Северната територија е јапонски земја“.  Рускиот министер за надворешни работи, Сергеј Лавров, реагираше на ова и изјави дека им обратил внимание на неговите јапонски колеги, дека инцидентите предизвикани за време на одбележувањето на Денот на северните територии ги нарушуваат билатералните односи и не придонесуваат за конструктивен развој. Лавров рече дека преговорите за мировниот договор со Јапонија ќе бидат залудни се додека во  Токио доминира радикалниот пристап кон овој проблем.