Македонија
Без притисоци врз професионалните војници
Прекинот на протестите на професионалните војници, за решавање на нивниот статус по навршени 38 години, кој траеше десетина денови не е поради притисоци.Ова во четврток во Скопје го изјави министерот за одбрана Зоран Коњановски, одговарајќи на новинарско прашање за
Прекинот на протестите на професионалните војници, за решавање на нивниот статус по навршени 38 години, кој траеше десетина денови не е поради притисоци.Ова во четврток во Скопје го изјави министерот за одбрана Зоран Коњановски, одговарајќи на новинарско прашање за шпекулациите дека прекинот на протестот на професионалните војници е последица на притисок врз нив и нивните семејства.„Мислевме дека со дијалог ќе можеме да го решиме прашањето. Разговарав пет-шест пати. Разговаравме на неделна основа и им ветивме дека ќе добијат поддршка од Владата. Не ни е својствено да работиме со притисоци“, рече министерот Коњановски, кој дополни дека понуденото решение не одговара на нивните барања, но дека е сосема е друга работа е сигурноста на професионалните војници да се вратат кон цивилните професии. Според Коњановски, основата за ваквото решение се законските прописи, а, како што рече, на професионалните војници им било познато што предвидуваат договорите што ги потпишувале.Министерот Коњановски присуствуваше на отворањето на првиот Форум на Подофицерскиот кор на армиите од Централна и Југоисточна Европа. На форумот присуствуваат главните подофицери на армиите на Македонија, Хрватска, Албанија, Словенија, Босна и Херцеговина, Црна Гора, Србија, Романија, Австрија и Чешка./крај/фо/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски: Ароганцијата на оние кои дозволија отварање на бугарски клубови во Македонија е ненадминлива
Движењето ЗНАМ – За наша Македонија денеска по повод празникот на трудот Први Мај организираше пикник во Пелинце. Претседателот на движењето ЗНАМ, Максим Димитриевски во изјавата за медиумите им го честиташе празникот на сите граѓани и работници и им посака здравје, успех и среќа.
Тој рече дека работничката класа е онаа што ја дигнала Македонија да стане држава.
Димитриевски рече дека истовремено сака да испрати порака до актуелното раководство на СДСМ.
„Истите тие коишто дозволија да се отвараат бугарски клубови кои го содржат името Ванчо Михајлов во текот на нивниот мандат и ја згазија не само социјалдемократијата, туку и илинденските и асномските левичарски вредности и принципи, не обвинија дека сме човек партија. Нивната ароганција е ненадминлива. Ова раководство на СДСМ, со овој арогантен пристап ја доведе партијата до историски најслабиот резултат.
Не само што ја навредија ЗНАМ, лично мене, навредија и уште 84 илјади граѓани кои го дадоа својот глас за движењето ЗНАМ-ЗА наша Македонија. Ниското ниво на комуникација нема да го прифатиме. Но, како и да е, ние позитивно продолжуваме понатаму и чест ми е што
денеска токму овде традиционално во Меморијалниот центар Пелинце- АСНОМ, каде што се удрени темелите на современата македонска држава, гледам голем број на мои поранешни соборци и сопартијци, коишто ни се придружија на овој настан во организација на Движење ЗНАМ – За наша Македонија и нивниот број секојдневно расте.
За разлика од раководството на СДСМ, тие ја прифатија подадената рака. Нашата цел е да продолжиме да ги обединуваме граѓаните и ние ќе работиме исклучиво во интерес на Македонија, државните и националните интереси“, порача Димитриевски.
Македонија
Стојаноска: Со платформата 1198 ќе имаме широк дијалог со синдикатите, жестока борба со корупцијата и економска трансформација
Денес унијата на жени на ВМРО-ДПМНЕ од Брвеница во дворот на црвата Св. Никола во Челопек организираше одличен настан во кој учество имаа земено и млади девојки во поречка носија оттука го честитаме први мај меѓународниот ден на трудот и се обврзуваме како идна влада со програмата платформа 1198 дека ќе имаме широк дијалог со синдикатите, дека ќе направиме економска трансформација од која ќе бидат задоволни сите граѓани на Република Македонија, рече Дафина Стојаноска, носител во изборната единица шест.
„Ветуваме жестока борба со корупцијата и секако конечно завладејување на правото. Македонија мора повторно да биде твоја и повторно да биде горда“, вели Стојаноска.
Македонија
Минимална плата од 450 евра во првите 100 дена од новата влада, побараа синдикалците
Синдикалците бараат минимална плата во износ од најмалку 450 евра, исплата на трошоците за храна во висина од 20 проценти од просечната плата и исплата на трошоците за превоз.
Тие порачаа дека после 8 мај, кој и да дојде во владата, треба да ги исполни нивните барања во првите 100 дена.
„Бараме најниската плата да биде иста како таа во регионот односно минимум 450 евра. Исто така, бараме враќање на загубеното право во 2009 година, додаток за храна и превоз“, рекоа од Синдикатот на работниците.
Оттаму порачаа дека бараат достоинствени плати за да не мора, како што рекоа, својата егзистенција да ја бараат во Хрватска, Црна Гора или други земји.
Синдикатите побараа и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука да им биде одземен Работничкиот дом, појаснувајќи дека со тоа се направени обиди за притисок врз синдикатите.