Македонија
Груевски:Со реформи до независно судството
Со крупни и револуционерни реформи значително ќе се зајакне независноста на судството.
Со крупни и револуционерни реформи значително ќе се зајакне независноста на судството.
Ова го изјави во четврток премиерот Никола Груевски, на поставување на камен темелник за изградба на две тениски игралишта во ОУ „Јан Амос Коменски“ во Тафталиџе.
„Во Парламентот помина Законот за академија на судии и јавни обвинители, а во владина процедура е и законот за кривична постапка, со кој се дава посебна моќ на Обвинителството“, рече Груевски.
Тој додаде дека на овој начин ќе се зголеми независноста и ефикасноста на судството во борба против криминалот и корупцијата.
Законот за судство наскоро ќе се најде во Парламентот, а законот за парнична постапка е пред усвојување.
„Досега во судските постапки немаше рокови, сега се добиваат точни рокови во кои судијата мора да го испочитува рокот за предметот. Доколку ги пречекорува роковите, судскиот совет ќе расправа за негово разрешување“, рече Груевски.
Со законот се предвидува дека доколку повеќе од 20 отсто од предметите на судијата му се вратени од повисоките судии, тој би требало да биде разрешен од позицијата.
Законите се подготвувани со експерти од УСАИД и претставници на Европската унија, како и од домашни експерти. /крај/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.