Свет
Ќе и објават ли војна на тутунската мафија?
Со неделната конференција за печатот Јани
Макрадули од СДСМ истовремено и ја погоди и ја промаши темата. Прво, точно е
дека има државен шверц на цигари.
СЕ
ПОДГОТВУВА ЛИ МАКЕДОНСКА ВЕРЗИЈА НА СРПСКАТА МРЕЖА
Со неделната конференција за печатот Јани
Макрадули од СДСМ истовремено и ја погоди и ја промаши темата. Прво, точно е
дека има државен шверц на цигари. Се додека цигарите во шверцувана варијанта ги
има по пазарите во Македонија, недвосмислено може да се тврди дека државата
шверцува цигари. Одговорот е многу едноставен. Извршната власт ги контролира
граничните премини низ полициски и царински прегледи. Полицијата и УЈП се
дневно присутни на теренот и пред нивни очи се продава акцизна стока (цигари,
алкохолни пијалаци и др.). Само Владата може да се стави над шверцерите и да
каже: доста е!?
Но, Јани Макрадули го погреши датумот на прес-конференцијата. Требаше тоа да го
стори пред ланските парламентарни избори, но и наназад четири години, откако на
15 септември 2002 година „народот ја зеде сопствената судбина во свои раце!“.
Едно е во право Макрадули. И денес има шверц на цигари. И денес со шлепери
влегуваат тони цигари од најразлични брендови. Владата на Груевски има уште три
години време итно да почне да се справува со шверцот на цигари. И да му стават
крај. Црвенковски, Костов и Бучковски, во комбинација со Пенов и Али Ахмети –
тоа не го сторија. Не се ни обидоа. Дури и славниот Џанго Михајловски не го
направи тоа. Ниту како прв цариник, ниту како прв полицаец.
Денес шанса има Никола Груевски. Иако по масовните апсења во Србија, притворања
на клучни луѓе на тамошните криминални групи и потерници по тобако босовите, од
Груевски и неговата екипа не слушнавме ниту најава дека и во Македонија ќе има
слична таква акција против македонскиот дел од регионалната тутунска мафија,
длабоко поврзана со сите досегашни партии од власта и, се разбира, со бизнис-олигархијата.
Значи, на потег се најпрво министерката за внатрешни работи Гордана Јанкуловска
и нејзините први асистенти Сашо Мијалков, Љупчо Тодоровски и Рефет Елмази.
Претпоставуваме
дека архивите на МВР се преполни со докази и сознанија за шверц на цигари,
бидејќи на оваа тема е работено од времето кога Павле Трајанов беше директор на
јавната безбедност, па и во годините потоа. До денешен ден екипи на оперативци
не престанале да работат, иако одвреме-навреме биле спречувани со директиви од
„повисоко“, да не чепкаат таму каде што чепкаат. Доволно е МВР да го
преразгледа запленетиот материјал од „Македонија табак“, од есента 2002 година,
кога Стевчо Коцевски се обиде да ја напушти компанијата, со докази натоварени
во преполна службена кола. Бил спречен, колата била запленета, доказите исто
така, а бил направен и записник на сите докази што завршиле во МВР. На тој
настан, но и на празнењето на акцизниот склад на „Македонија табак“ (цигарите
исчезнале во непозната насока!) од МВР присуствувал оперативецот Илија
Кусакатски.
МВР има архива и од „дејствувањето“ на тутунската мафија на Данчо Шутурков до
1999 година, кога полициски екипи по налог на Владата на Љубчо Георгиевски, го
преиспитувале работењето на Страшо Нелковски и Љупчо Настовски Супа. Поседуваме
копија од тој извештај. Но, иако пронајденото било цврсто поткрепено со докази,
кривичната пријава никогаш не стигнала до обвинителството.
Јавниот обвинител Љупчо Шврговски има шанса да се запише во современата
историја на Република Македонија. Треба само да покрене истрага за шверцот на
цигари од 1990 година па наваму, да ги претресе од корен сите архивирани случаи
поврзани со шверцот на цигари. Така ќе заврши еден голем дел од работата
поврзана со борбата со организираниот криминал, а на Груевски ќе му овозможи да
се пофали пред меѓународната заедница дека, ете, и во Македонија фронтално
почнала борбата со ова зло.
Последниот во оваа галерија ликови моќни да се справат со шверцот на цигари,
моќни да сторат многу повеќе од сите други е – Ванчо Каргов. Можеме да кажеме
дека тој е досега најпродуктивниот човек од соработниците на Груевски, кога е
во прашање шверцот на тутун. Голем проблем на Царинската управа е што доцни
набавката на големите скенери што со финансиска помош од ЕУ ќе бидат купени и
поставени на граничните премини. По тој чин, како царина ќе бидеме способни да
го прегледаме секој шлепер-камион на влезот во Македонија.
Се разбира, борба против организираниот криминал во тутунскиот бизнис нема ако
нема политичка волја. Премалку е и депласирано е МВР денес да се фали со
стореното во ТК Прилеп. Тоа се милиграми во однос на она што се правело
последниве 15 години. Коста Младеновски, Тони Мицајков, Димитар Богдан и Миодраг
Шалевски од ТК „Прилеп“ и од „Макошпед“ се последните што требаше да завршат во
притвор поради овој вид криминал. Главните играчи, налогодавци и босови и
понатаму се на слобода.
ЦАРИНСКА УПРАВА
Нема шверц
со цигари во случајот „Марлборо“
„Филип Морис Скопје“ на посебна сметка во Царината ја уплатил разликата, по што
е направено царинење на цигарите по 10 евра за штека
Царината не го запленила последниот контингент цигари „марлборо“, туку тие биле
задржани само за проверка на вредноста на увезената стока.
– Цигарите се задржани бидејќи се очекуваше брзо да заврши постапката на
проверка, но кога таа се одолжи, цигарите беа пуштени на царинење, а за
разликата во вредноста е уплатен депозит на посебна сметка на Царината од
страна на компанијата „Филип Морис“ – истакна директорот на Царинската управа,
Ванчо Каргов.
Според него, не станува збор за шверц со цигари, како што викендов
потпретседателот на СДСМ Јани Макрадули ја обвини Владата дека почнала да се
занимава со шверц на цигари, со тоа што дозволила компанијата „Филип Морис“ да
увезе цигари во вредност од 10 евра за една штека, која претходно се царинела
по 12,5 евра за сто цигари.
Каргов напомена дека Царината заедно со тутунопроизводителите и увозниците на
цигари, работат на сузбивање на нелегалната продажба на цигарите. Досега
Царината поднела 29 кривични пријави за шверц на цигари против физички и правни
лица. Каргов најави дека доколку се утврди постоење елементи за клевета
Царинската управа ќе поднесе пријава против потпретседателот на СДСМ, Јани
Макрадули.
– Не е скандалозен увозот на марлборото, скандалозно е што Царинската управа е
единствената на овие простори што нема сопствена лабораторија за испитување на
производите. Скандалозно и исчезнување на 340 тони сечкан ароматизиран тутун од
царинските складишта. Скандалозно е што не е направен попис на стоката во
магацините, што Царината има неоспособени гранични премини за царинење, како и
укинувањето на внатрешната ревизија – напомена директорот на Царинската управа,
Ванчо Каргов.
Според него, не е скандалозно вработувањето нови царински службеници, како што
некои сакаат тоа да го прикажат. Тој напомена дека наскоро се очекува одобрение
од Министерството за финансии за вработување нови 95 цариници.
– Тие не се администрација, туку инвестиција – додаде Каргов.
Царинската управа, како што изјави Каргов, ги зголемила приливите на средства
од царини, наплата на ДДВ и акцизи. Вкупните приходи изнесуваат околу шеснаесет
милијарди денари и се за 31,82 отсто повисоки од истиот период лани. Наплатата
на ДДВ од увоз е зголемена за 34 отсто, а наплатата на акцизи достигнала 260
милиони денари со пораст од 37,26 отсто.
Г.Г.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Фото) Трагедија: Поради семејно насилство мајка со трите деца се фрлила в река во Албанија
Полицијата во Албанија соопшти дека мајка со три деца се фрлила во реката Бојана и дека нејзиниот маж е уапсен. Полицијата го уапсила Ергис Арази (31) поради насилство врз сопругата Алма Арази (39), која наводно се самоубила со трите деца. Децата беа на возраст од девет, шест и четири години, пишува Блиц, кој пренесува на порталот Euronews.al.
View this post on Instagram
По трагичниот настан, рибар го пронашол телото на 9-годишната ќерка, а надлежните се уште трагаат по телата на мајката и уште двете деца кои исчезнаа пред три дена. Полицијата наведува дека постои сомневање дека мајката го напуштила станот со децата бидејќи сопругот ги малтретирал. Тој додава дека Арази (31) и претходно бил осуден за обвиненија поврзани со дрога.
Свет
Нетанјаху: Запирањето на војната во Газа сега ќе го задржи Хамас на власт
Израелскиот премиер Бенјамин Нетанјаху силно ги отфрли барањата на Хамас за прекин на војната во Газа во замена за ослободување на заложниците, велејќи дека тоа ќе ја задржи палестинската исламистичка група на власт и ќе претставува закана за Израел.
Нетанјаху рече дека Израел е подготвен да ги прекине борбите во Газа за да обезбеди ослободување на заложниците кои сè уште ги држи Хамас, за кои се верува дека ги има повеќе од 130.
„Но, кога Израел покажа подготвеност, Хамас остана вкоренет во своите екстремни позиции, чие прво барање е да ги повлече сите наши сили од Појасот Газа, да стави крај на војната и да го остави Хамас на власт“, рече Нетанјаху. „Израел не може да го прифати тоа“.
„Хамас може да го исполни своето ветување дека ќе ги извршува своите масакри, силувања и киднапирања повторно и повторно“, додаде тој.
Преговорите за прекин на огнот со египетските и катарските посредници продолжија во неделата во Каиро, без очигледен напредок бидејќи исламистичката група остана на своето барање дека каков било договор мора да стави крај на војната во Газа, изјавија палестинските власти.
Палестински претставник близок до разговорите рече дека делегацијата на Хамас пристигнала во Каиро решена да постигне договор „но не по секоја цена“. „Договорот мора да стави крај на војната и да обезбеди повлекување на израелските сили од Газа, а Израел сè уште не се обврзал на тоа“, изјави претставникот за Ројтерс, барајќи да остане анонимен.
Свет
Изборот за песна на Евровизија започнува за два дена, Шведска го очекува во страв
Мониста и штрас или пропалестински демонстрации и пароли? Изборот за песна на Евровизија, кој започнува во вторник во шведскиот град Малме, годинава е во сенка на војната во Газа. Посебно за одбележување е учеството на Израел на речиси 70 години старото натпреварување, на кое годинава учествуваат 37 земји, а завршува со финалето на 11 мај.
Жителот на Малме, Андерс Пухел, изјави за АФП дека ќе учествува на протестот на 9 мај, кога Израел ќе се натпреварува во полуфиналето. „За време на војната, учеството на Израел треба да биде забрането на ист начин како што ја забранија Русија“, рече Пухел.
Во 2022 година, руските радиодифузери беа исклучени од Европската радиодифузна унија (ЕБУ), која го организира натпреварот, по инвазијата на Москва врз Украина. „Пораката беше дека не ни се допаѓаат луѓето кои не се придржуваат до демократските стандарди“, рече антропологот и евровизиски специјалист Лизан Вилкен.
Од почетокот на годината беа покренати неколку петиции со кои се бара исфрлање на Израел од натпреварувањето. Директни закани добија и Еден Голан, пејачот кој го претставува Израел, што ЕБУ брзо ги осуди.
„Иако силно ја поддржуваме слободата на говорот и правото на изразување мислења во едно демократско општество, ние силно се спротивставуваме на каква било форма на онлајн злоупотреба, говор на омраза или вознемирување насочена кон нашите уметници или кои било поединци поврзани со натпреварот“, велат организаторите.
Во арената Малме, организаторите ги забранија сите знамиња, освен за земјите-учеснички и знамињата на виножитото, што е старо правило на ЕБУ. „Сигурен сум дека некој ќе успее да донесе палестинско знаме и да го развее, но помалку е сигурно дали тоа ќе се види на телевизија“, рече Пухел.
Илјадници луѓе се очекува да присуствуваат на пропалестинските митинзи во текот на целата недела во градот украсен со разнобојни знамиња. „Никогаш не мислев дека ќе станеме таков политички настан на светската сцена“, рече Карин Карлсон, која беше повикана од градот Малме да го координира музичкиот натпревар.
Со повеќе од 360.000 жители и 186 националности, „целиот свет живее во Малме и сите конфликти се собрани на многу мала област, што создава раздор“, изјави за АФП Андреас Онерфорс, професор по историја на идеи и специјалист за Евровизија.
Мнозинството шведски жители со палестинско потекло, исто така, живеат во пристанишниот град, трет по големина во земјата, кој очекува приближно 100.000 посетители. Безбедноста предизвикува голема загриженост, особено откако Шведска минатата година го крена алармот од закана од тероризам на второ највисоко ниво, по серијата протести во кои беше запален и оштетен Куранот.
Зголемен е бројот на безбедносни проверки, особено кога се влегува во различни места, каде торбите генерално ќе бидат забранети. Зголемено е и присуството на полицијата, пристигнувањето на засилувања од Норвешка и Данска, а полицајците ќе бидат посилно вооружени од вообичаено во текот на неделата.
„Се чини дека е безбедно“, рече Еба Адиелсон, извршен продуцент на настанот за шведскиот јавен радиодифузен сервис СВТ, кој ја организира Евросонгот заедно со ЕБУ. „Полицијата е исклучително активна и одвои многу ресурси“ за да го заштити настанот, додаде Адиелсон.
Протестите ќе бидат строго контролирани, а како мерка на претпазливост, затворските ќелии се испразнети, а затворениците се испратени на други места во Шведска за да направат простор во случај на зголемување на апсењата.
„Евровизија, можете да ја видите низ градот и за неа многу се зборува. За жал, фокусот заврши на други работи наместо на музичкото натпреварување и радоста“, се пожали фан на АББА, Андерс Персон.
Оваа година се одбележуваат 50 години од победата на шведската поп група на натпреварот со песната Ватерло, која го отвори патот на АББА кон светската слава. Неколку шведски уметници кои требаше да учествуваат на споредните свечености се повлекоа, навестувајќи ја контроверзноста околу натпреварот.
Свеченостите ќе продолжат да се одржуваат, но на помирен начин. „Малме е град за забави, најтажно е што можеби помалку жители на Малме ќе учествуваат“, рече Карлсон. ЕБУ го усвои слоганот „Обединети од музиката“, позајмен од натпреварот во 2023 година, кој беше организиран во Обединетото Кралство затоа што воено разурната Украина, победничката на натпреварот во 2022 година, не можеше да биде домаќин.
„Ливерпул беше огромна забава минатата година, тоа беше прослава фрлена во лицето на Путин“, рече Вилкен, мислејќи на рускиот претседател кој ја започна инвазијата на Украина во 2022 година, а сега настанот е „обележан“ од ситуацијата во Газа.
Друг жител на Малме, Јаир Елснер, исто така организира митинг на 9 мај, но за да го прослави учеството на Израел. „Ќе бидеме таму со шведски и израелски знамиња“, изјави тој за АФП, додавајќи дека тие имаат намера да покажат „нешто позитивно“.
Елснер, член на малата еврејска заедница во Малме, рече дека не забележал никакви промени во ставовите кон него од почетокот на војната, но призна дека постои распространето чувство на „несигурност“.