Македонија
Јанкулоска: Некои посакуваат нарушување на меѓуетничките односи во Македонија
Министерката за внатрешни работи Гордана Јанкулоска ги осуди инцидентите што се случија во автобусите на Јавното сообраќајно претпријатие и повика сите да придонесат за смирување на евентуалните тензии и одредени
Министерката за внатрешни работи Гордана Јанкулоска ги осуди инцидентите што се случија во автобусите на Јавното сообраќајно претпријатие и повика сите да придонесат за смирување на евентуалните тензии и одредени провокации кои, како што рече, не треба да бидат причина за ескалација на ситуацијата и за натамошни тензии во општеството.
По три инцидента кои се случија во автобусите на ЈСП што сообраќаат на различни линии во главниот град во средата навечер и четвртокот наутро, повредени се десетина лица.
Според процената на министерката, има одредена тензија којашто треба да се смири. Јанкулоска не ја исклучува ниту можноста дека во Македонија има луѓе кои посакуваат нарушување на меѓуетничките односи.
„Не ја исклучувам можноста дека во Македонија има луѓе кои посакуваат нарушување на меѓуетничките односи, меѓутоа убедена сум дека се многу помногубројни од оние кои не го посакуваат тоа и кои ќе дадат сопствен придонес за смирување на тензиите, откривање на предизвикувачите на инцидентите и демистифицирање или демаскирање на сите они кои посакуваат етнички тензии и ќе ги осудат нивните тенденции“, изјави Јанкулоска.
Според неа, присуството на еден полицаец во автобус не е гаранција дека инцидентите нема да се случат.
„Во однос на мерките, го зголемивме присуството на терен, преземаме превентивни активности. Кога станува збор за насилно однесување, неопходно е за смирување на состојбите да се вклучат сите општествени чинители. Пред сé, мислам на оние коишто го креираат јавното мислење. Кога станува збор за учениците, неопходно е да се вклучат училишните педагози, психолози, наставниците во училиштата, но секако клучна улога имаат родителите на овие деца“, вели Јанкулоска.
Според нивните податоци нема координираност меѓу инцидентите кои се случија, а мотивите биле различни. Нападите се случувале поради девојка, меѓусебна нетрпеливост.
И пред последните три инцидента, полицискиот билтен беше секојдневно исполнет со извештаи за инциденти во автобусите, но и избодени момчиња. Последниот инцидент се случи на Бит пазар каде беше избодено момче во грб.
Министерката не се согласува со констатацијата дека МВР само ги осудува инцидентите, наместо да ги расчистува.
„Не би се согласила, но точно е дека во изминатиот период имаше серија инциденти, тепачки и напади. МВР ги презеде сите неопходни мерки за откривање на сторителите, дел се расчистени, на дел сé уште се работи, но сторителите ќе се соочат со санкции, бидејќи насилството не може да се толерира“, изјави Јанкулоска./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Автобусите по неделен возен ред, жичницата нема да работи
ЈСП Скопје извести дека автобусите ќе сообраќаат по неделен возен ред, а жичницата на Водно нема воопшто да работи.
Со оглед на тоа што денот кога се одржуваат парламентарните и вториот круг од претседателските избори е прогласен за неработен за сите граѓани, и автобусите од градскиот јавез превоз ќе сообраќаат по скратен, односно неделен возен ред.
Воедно, жичницата од Средно Водно во врвот Крстовар нема да работи.
Дежурни билетарници од 7 до 14 часот ќе бидат само две, на Транспортен Центар и Ѓорче Петров.
Македонија
Променливо облачно, попладне пороен дожд, грмежи и засилен ветер
Времето денеска ќе биде променливо облачно, попладне и во вечерните часови на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со обилен пороен дожд за кратко време, силни електрични празнења, засилен ветер и појава на град. Минималната температура ќе биде во интервал од 6 до 12, а максималната ќе достигне од 20 до 26 степени.
Во Скопје променливо облачно. Попладне и во вечерните часови ќе биде нестабилно со пороен дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 11, а максималната ќе достигне до 25 степени.
До петок ќе се задржи променливо облачно време, на повеќе места нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време, силни електрични празнења, засилен ветер и појава на град. Дневната температура од четврток ќе биде во опаѓање. Во деновите од викендот условите за нестабилност ќе се намалат.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.