Македонија
Милошоски на состанок на ОБСЕ
Македонскиот министер за надворешни работи Антонио Милошоски на денешното продолжение на неформалниот министерски состанок на ОБСЕ кој се одржува во Алмати треба да има свое обраќање за ставот на Македонија за прашања поврзани со безбедноста на Европа и работата на ОБСЕ
Македонскиот министер за надворешни работи Антонио Милошоски на денешното продолжение на неформалниот министерски состанок на ОБСЕ кој се одржува во Алмати треба да има свое обраќање за ставот на Македонија за прашања поврзани со безбедноста на Европа и работата на ОБСЕ.
Шефот на македонската дипломатија ја промовираше кандидатурата на Македонија за членство во Советот за човекови права на Обединетите Нации со седиште во Женева за периодот 2013-2016 година вчера кога на маргините на состанокот на ОБСЕ се сретна со своите колеги од Израел, Украина и од домаќинот Казахстан Авигдор Либерман, Константин Гришченко и Канат Саудабајев
Милошоски и Саудабајев потпишаа Договор меѓу двете земји за укинување на визите за носители на дипломатски и службени пасоши.
Како што соопшти Министерството за надворешни работи, на состанокот што завршува денеска ќе биде направен преглед на досегашниот напредок на Крфскиот процес-продлабочениот дијалог за зацврстување на безбедноста и стабилноста во Евроазискиот регион, а се очекува учесниците да дискутираат и за низа значајни политички прашања од агендата на ОБСЕ, меѓу кои и прашањето за потребата од организирање на Самит на највисоко ниво на ОБСЕ, кој би се одржал до крајот на оваа година. /крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.