Македонија
Не се открива што има во сефот запленет на „Перо Наков“
Сефот којшто беше запленет на улица „Перо Наков број 60“ попладнево беше отворен во просториите на финансиската полиција, но се уште не се открива содржината на сефот
Авокатот на осумте фирми кои се наоѓаат на оваа адреса не открива што има пронајдено во него. Од првичниот увид биле пронајдени само документи, кеш немало.„Има документација, кеш јас не видов никаков, меѓутоа не знам, може во папките, во пликовите, можеби ќе се најде нешто, тоа не е ништо страшно. Меѓутоа од она што го видовме се работи за хартии, за документи, некои клучеви, нормални работи кои во секој сеф, во секоја благајна се наоѓаат“ вели адвокатот Мирослав Вујиќ.Управителите на осумте фирми кои се наоѓаат на Перо Наков, не се појавија на отворањето на сефот. И покрај шпекулациите дека повеќето од нив биле странски државјани, адвокатот Вујиќ тврди дека сите се наши државјани.„Не овластија со полномошно, токму поради тоа, да не се прави гужва, за да и стручните лица кои работат немаат проблем со таа гужва, затоа што сега ќе треба секое хартивче да се потпише. Со нивно одобрение тие денеска не се дојдени и закажано им е да дојдат во понеделник“ рече Вујиќ.Не се знае до кога ќе трае постапката со анализата на документите, бидејќи се работи за обемна документација. Адвокатот изрази задоволство од сегашната работа на финансиската полиција, но не сака да прејудицира дали во цела оваа работа постои даночна пирамида.„Јас сеуште не можам да откријам за кое кривично дело овде се работи, значи овде дејствијата што се преземаат е да се открие евентуално некое сомнение за извршено кривично дело. Можеби нема никакво кривично дело. Не можеме да прејудицираме однапред“, рече Вујиќ.Отворањето на сефот се одложи вчера за што не се појавија сите директори и сметководители на фирмите. Истрага за фирмите каде се наоѓа и А1 телевизија води и Управата за јавни приходи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Овозможивме слободни и независни медиуми и сме први во регионот
Позитивните политики и пристап на СДСМ кон медиумите, се потврдија со тоа што Северна Македонија е најдобро рангирана земја во регионот по слобода на медиуи, истакна Венко Филипче носител на листа во Изборната единица 4 од СДСМ и Коалицијата за европска иднина.
,,Македонија во 2024 година го постигна сопствениот рекорд во последните 15 години во Индексот на слободата на медиумите според „Репортери без граници“. Годинава се наоѓа на 36-то место и е најдобро рангирана од сите земји во регионот. Ова е потврда за позитивните политики и пристап на СДСМ кон медиумите. Слободни медиуми се слика на секое демократско општество”, смета Филипче.
Тој посочи дека граѓаните не треба да дозволат да ја изгубиме демократијата и слободата.
,,Без слобода, без независни медиуми, без професионални новинари ќе го изгубиме и развојот и напредокот на државата. Уште многу треба да се направи за подобрување на општата медиумска ситуација во земјата, но курсот кој го поставивме е правилен” вели Филипче.
Носителот на листата во Изборната единица 4 од СДСМ и Коалицијата за европска иднина, Филипче истакна дека во следниот мандат СДСМ мора да се фокусира на повисок животен стандард на новинарските и медиумските работници.
,,Тоа директно ќе влијае на објективноста во известувањето, во служба на граѓаните, а не во политичките и бизнис елити”, рече Филипче.
Македонија
Николоски: Која е улогата на Груби во криминалот во Лотарија и доделувањето на трите лиценци за онлајн игри на среќа?
Можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот, вели Александар Николоски, потпретседател на ВМРО-ДПМНЕ и носител на изборна единица 4.
„Мислам дека од овде е право време и место да повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа“, истакнува Николоски.
„Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред“, додава тој.
Македонија
Јанчев: Македонија повеќе нема луксуз да се движи по овој поданички пат
Носителот на листа од Левица во ИЕ 4, Сашко Јанчев, во своето обраќање до граѓаните, стави акцент на поданичките политики на СДС и ДПМНЕ, кои ја доведоа Македонија во ситуација повеќе да го нема луксузот да се движи по досегашната траекторија.
„Македонија не смее да ги бира оние кои веќе 30 години се директни виновници за ова дереџе во кое се наоѓа државата! Македонија нема луксуз да ги гласа истите, а да очекува промена! Нема што повеќе да зборуваме за СДС на нашата земја. Со Заев и после него, СДС се претвори во историски најантимакедонската организација која некогаш постоела!”, истакна Јанчев.
Според Јанчев, секоја партија која го гази интересот на својот народ за интерес на амбасадите, на крајот завршува отфрлена и од амбасадите и од својот народ.
,,СДС им се лижеа на амбасадите, а сега истите тие амбасади им го формираа ЗНАМ за да ги преполови!
Во ВМРО-ДПМНЕ, пак, во кое ни В нема од ВМРО, повторно зборуваат за национално обединување. Јас 30 години слушам како тие нè обединуваат, но, искрено, јас воопшто не се чувствувам обединето. Напротив, се чувствувам предадено!
Се чувствував предадено и кога гласаа за амнестија на Хашките случаи. За амнестијата гласаше и носителот на ИЕ4, Александар Николовски.
Се чувствував предадено кога позајмија 8 пратеника за промена на името, а наместо на протест, Мицковски беше на прошетка во Битола.
Се чувствував предадено кога Мицковски му рече на Борисов дека ,ште го поткрепи’ Договорот за добрососедство со Бугарија!”, додава Јанчев.
На крајот од своето излагање, Носителот на ИЕ4 повика, Сашко Јанчев, порача:
,,Затоа, не го ситнете отпорот! Не го трошете бадијала гласот! Дајте го на Левица, за да има што повеќе пратеници во Собрание кои се на страната на народот!