Македонија
Браќата Миладинови чекаа повлекување на обвинението, судењето одложено
Повторениот судски процес против струшките бизнисмени браќата Миладинови беше одложен по барање на дел од бранителите. На Миладинови требаше да им се суди за случајот со струшкиот хотел Изгрев, односно за кривични дела перење пари , давање лажни податоци. Неколкумина од бранителите побараа, а судот прифати нови термини за судење, оти адвокатите беа зафатени со судски процес за случајот Пепел, и обвинетиот Бајруш Сејдиу, кој истовремено се одвиваше во Апелациониот суд. Судењето е презакажано за следниот месец. “Очекувам апсолутно ослободителна пресуда и во повторената постапка. Очекувам обвинителот да го повлече обвинението тоа би било коректно во целата оваа постапка”, изјави Ѓорѓи Миладинов еден од браќата. Истото го потврди и нивниот бранител адвокатот Драган Гоџо. ”Во најмала рака очекував да реагира обвинителството на обвинителниот акт по изјавите дека самите нашле грешка во истиот. Лично очекував да биде повлечен обвинителниот акт, но ќе видиме. Ние сме сега на потег во однос на докази, на потег е обвинителот дали ќе интервенира во текстот на обвинението. Од наша страна нема да биде повикана МПЦ како сведок”, рече Гоџо.
Миладинови по вторпат ќе седнат на обвинителна клупа. Еднаш беа осудени на по 6 и пол годишни затворски казни. Но Апелациониот суд ги укина, а вишото јавно обвинителство призна дека обвинителниот акт бил полн со грешки. Миладинови по подолг престој во притвор веднаш беа ослободени да се бранат од слобода.
Во истата постапка одговараа адвокати, судии, нотар и други соработници на Миладинови. Неколкумина добија казни, а некои беа ослободени од обвинение. Сега сите повторно ќе одговараат оти според обвинителството Миладинови зеле кредит за реновирање на хотелот Изгрев, но парите ги потрошиле за други потреби и не ги вратиле. Во текот на првата постапка тие докажуваа дека парите се вратени на банката. /крај/км/мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.