Сојузот на Синдикати на Македонија (ССМ) ќе поднесе две кривични пријави против поранешниот в.д претседател Ванчо Муратовски, поради ненавремено плаќање данок во Управата за јавни приходи во висина од 1.760.000 денари, како и поради исплаќање на средства на адвокат во висина од 16.900 денари.

Сојузот на Синдикати на Македонија (ССМ) ќе поднесе две кривични пријави против поранешниот в.д претседател Ванчо Муратовски, поради ненавремено плаќање данок во Управата за јавни приходи во висина од 1.760.000 денари, како и поради исплаќање на средства на адвокат во висина од 16.900  денари.

Освен овие неправилности во работењето на Муратовски како в.д претседател, во извештајот на комисијата за финансиско работење на Синдикатот наведено е и дека тој освен што го фалсификувал изборниот конгрес, самиот потпишувал договори за закуп на деловни простории во центарот на градот со многу пониска цена од пазарната, како и договори за примање на услуги од адвокати и оттуѓување на возила.

“Ова е последен пат што се занимаваме со Муратовски. Таа е завршена приказна за ССМ и таа тажна страна на синдикализмот предводена од Муратовски нема да се навраќаме. За два месеци од кога сум јас претседател направени се низа активности кои на некого не му беа доволни ни 7-8 години. Финансиската состојба сега се подобрува. Кога дојдов, наследив сметка од 159 000 денари, со некаде 8 милиони денари долгови и за првпат по три години ССМ почна да си ги плаќа долговите” – рече новиот в.д претседател на ССМ, Живко Митревски на денешната пресс конференција.

За неговото двомесечно раководење со Синдикатот, Митревски ги наведува како позначајни активности усогласувањето на колективниот договор за приватниот сектор, кој претходно не беше усогласен со Законот за работни односи, подобрување на културата на колективното преговарање и социјалниот договор, како и утврдување на елементите на имотно – социјално позиционирање на ССМ и подобрување на релациите со европската Конфедерација на синдикати. Митревски најави дека до крајот на месецов треба да се формира и економскиот социјален совет.

Лијана Јанкуловска од секторот за економски прашања на ССМ најави дека на есен треба да се очекуваат првите измени на законот за пензиско и инвалидско осигурување.„Настојуваме во Македонија да постојат повеќе услови за пензионирање, не само по основ на возраст туку и по други услови” – истакна Јанкуловска.Според извештајот за остварена правна заштита во текот на 2009 година, во Синдикатот за правна помош се обратиле вкупно 19.401 работници, што претставува 10 отсто повеќе од претходната година, а 116 се добиени пресуди. Најбројни поплаки за правна заштита во претходната година пристигнале од енергетскиот и од здравствениот сектор, потоа од градежништвото, текстилната индустрија и индустријата за чевли и кожа и од агро синдикатот./крај/кс