Македонија
Груевски: Македонија со демаркацијата не губи ниту милиметар од својата територија
Нема никаква причина за какво и да е стравување од Договорот за демаркација на границата со Косово. Македонија не губи ниту еден милиметар од територијата
„Никогаш и по никоја цена не би потпишал нешто со што би изгубиле еден милиметар, а не пак повеќе од територијата на Република Македонија“, изјави премиерот Никола Груевски, реагирајќи на сомневањата на опозицијата дека не станува збор за демаркација туку за промена на границата меѓу Македонија и Косово. КАко што рече Груевски, опозицијата манипулира и ја заплашува јавноста во обид да добие некој политички поен, а на штета на државата. „Она што денеска го прави опозицијата нема да и помогне многу. Можеби за ден-два ќе го исплаши некого или некој ќе се посомнева, но на долг рок ќе се види дека ова било уште еден обид за манипулација на граѓаните“ изјави денеска премиерот Груевски при посетата на саемот „Технома 2009“.Македонскиот Груевски напоменува дека со демаркацијата на границата со Косово се затвора гоелмо политичко прашање, дека тоа значи стабилност, особено, како што вели – зашто сами го решаваме без да загуби ниту една страна. „Длабоко сум уверен дека овој договор е голем успех за Македонија зашто го затвораме прашањето со границата кое со години наназад никој не успеваше да го реши, кое Бранко Црвенковски го беше ветил на граѓаните дека ќе го реши за една година во периодот кога се кандидираше за претседател на држава и кое постојано ни стоеше како отворена рана која во секој момент може да се активира.Ние ќе станеме прва држава во регионот, барем од ексјугословенските, која ќе ги има затворено сите гранични прашања и по ова ќе нема ниту едно отворено гранично прашање“, рече премиерот Никола Груевски.Тој додава ека стручни тимови и искусни луѓе од повеќе министерства кои го познаваат теренот работеле многу внимателно на прашањето и оти тоа е одлично завршено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно, наместа со повремени врнежи од дожд
Времето денеска ќе биде променливо облачно, наместа со повремени врнежи од дожд. Ќе дува умерен, а долж Повардарието и во источните делови повремено засилен ветер од северен правец. Минималната температура ќе биде во интервал од 4 до 11, а максималната ќе достигне од 14 до 21 степен.
Во Скопје ќе биде променливо облачно со повремени врнежи од дожд. Ќе дува умерен ветер од северен правец. Минималната температура ќе се спушти до 8, а максималната ќе достигне 19 степени.
Во недела и понеделник времето ќе биде претежно сончево и потопло. Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.
Македонија
Џафери: Северна Македонија, европска земја со европски вредности и стандарди за сите граѓани
Претседателот на Владата на Република Северна Македонија, денеска присуствуваше и се обрати на гала настанот со кој се одбележува отворањето на новата музичка сцена во Тетово, односно, основањето на најновата институција на Албанците, Националната установа Музички ансамбл на Република Северна Македонија – Тетово.
Основањето на оваа установа претставува реализација на долгогодишното барање на кадрите кои откако ќе завршеа факултет по музика, немаа каде да го продолжат својот професионален пат. Сега, во рамките на оваа установа во која ќе се негува и развива вокалната и инструменталната сериозна музика, како и популарната и џез музика, ќе можат да го негуваат и усовршуваат својот талент и својата пасија сите љубители на овој жанр, соопшти Владата.
Премиерот Џафери имаше свое поздравно обраќање на настанот и притоа, истакна дека „оваа национална културна институција ќе го збогати културниот живот во Тетово, меѓутоа и во земјата“.
Меѓу другото, пЏафери информираше за одлуката на владината седница на предлог на Министерството за култура со која на оваа установа и се доделуваат на трајно користење простории кои се сега во државна сопственост, и додаде дека – „со основањето на Музичкиот ансамбл, придонесуваме кон подобрувањето на демократската рамноправност во нашата заедничка држава, Република Северна Македонија и во оваа област од општествениот живот“.
Македонија
Лукаревска од Кочани: Сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат
“На 8 мај само вие, со моќта на вашиот глас одлучувате во каква држава ќе живееме сите, ве повикувам на масовен одзив на двојните избори, на активно учество во креирањето на сопствената иднина бидејќи во демократијата најчесто гласовите на оние кои не излегуваат на гласање го одредуваат победникот. На дофат ни е членството во Европската унија, не дозволувајте да не тргнат од тој пат, алтернативата на тој пат е погубна за Македонија. И сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат и да не забораваме дека секогаш најтешките битки ги водел СДСМ, од осамостојувањето до денес, рече вечерва во Кочани Сања Лукаревска, носителка на листа на СДСМ и Коалицијата за европска иднина во третата изборна единица.
СДСМ е одговорна, граѓанска, државотворна партија. Секогаш сме тука и за државата и за граѓаните и во добро и во лошо, тоа е патриотизам, како што е патриотизам да ја преземете одговорноста за тешките одлуки во тешки времиња, рече Лукаревска.
“ Немам намера да ги покривам или минимизирам нашите пропусти, не ги сокриваме под тепих и не ги подметнуваме на друг и никогаш не сме дозволиле државата да биде на коленици, никогаш. И во оваа изборна програма наш приоритет над приоритетите е стабилна, безбедна, сигурна и просперитетна Македонија чии граѓани ќе имаат предвидлива, спокојна иднина. Следете нè, не се откажуваме, тргнавме по патот на трпението, пат без насилство, со разум, со работа и дијалог до богата држава со задоволни граѓани и затоа на 8 мај, заедно, за број 1 и во Кочани и во третата изборна единица и во целата држава”.