Свет
Не оди на суд оти бил тешко повреден, а во болница се лечи со проститутки
Фатмир Љури беше ранет во полициската акција пред десет месеци во Кондово и од тогаш е во Градската болница
Фатмир Љури беше ранет во полициската акција пред десет месеци во Кондово и од тогаш е во Градската болница
Кондовецот Фатмир Љури, кој во март годинава беше ранет во полициска акција, се уште ги лекува повредите во Градската болница во Скопје. Поради тоа, другарот на Агим Красниќи, вешто го одбегнува појавувањето пред Основниот суд Скопје 1, од каде безуспешно доставуваат барања за негово доведување на обвинителната клупа. Но, најскандалозно во целиот случај е тоа што Љури добива редовни ноќни посети од неколку девојки за забава. Извори во Градската болница велат дека собата број 28 во Одделението за трауматологија станала вистинска јавна куќа и покрај тоа што пред собата на Љури стражарат двајца полицајци и еден чувар од затворот „Скопје“.
„Тоа што се случува на вториот кат од болницата го нема никаде. Барем трипати неделно во собата на Љури влегуваат девојки, кои му пружаат сексуални услуги. Ова го знаат буквално сите, од другите пациенти преку медицинските сестри до докторите, но никој не смее да преземе ништо“, велат дел од лекарите во Градската болница, кои инсистираат на анонимност, стравувајќи за својот живот. Лекарите велат дека дрскоста на Љури ги преминувала сите граници, па затоа некои и одбивале да ја вршат редовната дневна визита.
„Крајно безобразен пациент со кого е невозможно да се работи. Очигледно дека некој го штити, а тоа со проституките е посебна работа. Тој дури на сите им се фали, детализирајќи ги интимните моменти што ги имал предходната вечер“, вели еден доктор.
Тој објаснува дека чуварите што се задолжени да го чуваат Љури замижуваат кога нему му доаѓа ноќната посета. Не реагираат ниту членовите на приватното обезбедување на болницата. Велат дека тоа е нормално, бидејќи Љури со сите нив се однесувал „фино“, постојано честејќи ги пијачки, пици, колачи, сендвичи. Освен тоа, за здравјето на овој пациент се грижел директорот на болницата, д-р Виктор Камиловски, а згора на се, Љури го посетиле неколкумина функционери на Владата.
И од затворот „Скопје“ потврдуваат дека наслушнале за ноќните посети што повредениот Љури, наводно, ги имал во доцните вечерни часови.
„Еден од тројцата чувари е наш вработен. И јас слушнав за некакви ноќни посети што ги имал пациентот и затоа лично бев да го посетам. На вработените во затворот „Скопје“ им кажав дека доколку навистина нешто сомнително се открие, ќе следат суспендирања и бркања од работа, но луѓето задолжени за чување на пациентот, па и самиот Љури ме убедуваа дека такво нешто нема. Јас и нему му кажав за она што го наслушнав, а му кажав и тоа дека ќе има контроли во ноќните часови. Знам и тоа дека вакви контроли спроведувале и од МВР, но и тие не забележале ништо сомнително“, вели директорката на затворот „Скопје“, Билјана Зефиќ. Според неа, пациентот Љури во ниеден момент не можел да биде сместен во Арестанското одделение од едноставна причина што тој по инцидентот бил пренесен во Градската болница каде во следните неколку месеци врз него ќе бидат извршени неколку сложени хируршки зафати и таму се води целиот исторојат на болеста на пациентот. Префрлањето во Арестантското одделение е невозможно и од други причини, односно поради долгото реновирање на притвореничкото одделение. Директорката Зефиќ е на мислење дека по закрепнувањето на Љури нивната установа ќе биде таа која ќе се грижи за неговите натамошни потреби, односно за неговото транспортирање заради изведување на физикална терапија.
Неуспешно завршија нашите напори да стапиме во контакт со прозваниот директор на болницата, д-р Виктор Камиловски. Со образложение дека е затрупан со обврски и со ветувања дека ќе ни се јави, Камиловски едноставно не успеавме да го слушнеме. Дознаваме дека на сличен проблем наишла и судијката Снежана Бајлозова од Основниот суд Скопје 1, која поради зачестеното појавување на Агим Красниќи и на неговите најблиски соработници пред телевизиските камери, а поради нивната недостапност за органите на прогонот, им изрече мерка притвор.
„Пред неколку дена повторно службено се обратив до директорот на Градската општа болница со барање да ми се објасни во каква здравствена состојба е обвинетиот Фатмир Љури, но одговор се’ уште немам добиено. Писмено се обратив и до министерката за внатрешни работи од која барам да постапи согласно наредбата за приведување на Агим Красниќи и на другите обвинети и сега и оттаму чекам одговор“, вели Бајлозова. Судијката вели дека со нејзина колешка, која исто така треба да му суди на обвинетиот Љури, намерно ги темпираат термините за судење, бидејќи на тој начин и двете се информираат за состојбата на пациентот Љури.
Инцидентот во кој беше ранет Фатмир Љури се случи на втори март во една од таканаречените социјални бараки во Кондово. Во престрелката со полициските специјалци загина неговиот пријател Енвер Џафери, додека албанскиот државјанин Сокол Гега мина без повреди. Четириесетина дена подоцна, во Основниот суд Скопје 1, Гега, заради недозволено поседување на оружје, беше осуден на затворска казна во траење од 5,6 години, а по издржувањето на казната тој ќе биде протеран од земјата во наредните седум години. (У.В.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Републиканците поделени околу вмешаноста на САД во војната со Иран
Дилемата дали САД треба да му се придружат на Израел во нападот на Иран или да останат целосно на маргините ги разоткри поделбите меѓу поддржувачите на американскиот претседател Доналд Трамп, пишува денеска Би-Би-Си.
Републиканскиот претседател размислува дали да му помогне на Израел да ги нападне иранските нуклеарни постројки по вчерашната средба со неговите советници за национална безбедност во Белата куќа. За време на предизборната кампања, Трамп често ги критикуваше глупавите бескрајни војни на Блискиот Исток, но потенцираше и дека Иран не смее да има нуклеарно оружје.
Можноста тој да ги вовлече САД во друга криза во странство, предизвика жесток конфликт во Републиканската партија.
Меѓу оние кои изразија сомнеж за иранските нуклеарни планови е директорот на Трамп за национално разузнавање, Тулси Габард, која во март му рече на Конгресот дека иако збогатувањето на ураниум во Иран е на рекордно ниво, експертите не веруваат дека тој развива нуклеарно оружје.
На 10 јуни, само три дена пред почетокот на израелските напади врз Иран, Габард објави видео во кое предупредува дека политичките елити непромислено поттикнуваат страв и тензии кои би можеле да го доведат светот на работ на нуклеарно уништување.
Според Политико, Трамп збеснал од тоа видео. „Не ми е грижа што вели таа“, им рече тој на новинарите на прашањето што мисли за нејзините изјави во Конгресот.
„Мислам дека беа многу блиску до оружје“, додаде тој. Таа подоцна ги обвини медиумите дека нејзините претходни изјави ги извадиле од контекст, велејќи за Си-Ен-Ен дека размислуваат исто со претседателот.
Габард не е сама меѓу републиканците во критиките за потенцијалното американско учество во конфликтот. Конзервативниот републикански конгресмен Томас Маси од Кентаки вчера пред демократите претстави предлог-закон со кој ќе се спречи Трамп да ги вклучи американските вооружени сили во конфликт со Иран без одобрение на Конгресот.
„Тоа не е наша војна. Ако беше, Конгресот според нашиот Устав мора да донесе одлука за такви прашања“, објави Маси на „Икс“. Неколку поддржувачи на доктрината „Америка на прво место“ на Трамп истакнаа дека тој ветил дека нема да ги вклучи САД во „вечни војни“ како што се војните во Авганистан и Ирак каде загинаа илјадници американски војници.
Поранешниот водител на Фокс њуз Такер Карлсон ги повика САД да не се мешаат во конфликтот со Иран. Во својот подкаст, тој ги критикуваше републиканските воинотворци, а Трамп го нарече чудак. Конгресменката од Џорџија, лојална на Трамп, Марџори Тејлор Грин неочекувано застана на страната на Карлсон, велејќи дека секој што поддржува таква интервенција не е за „Америка на прво место“.
Тензиите кулминираа вчера со вербална пресметка за време на интервјуто помеѓу Карлсон и сенаторот од Тексас, Тед Круз. Круз се бранел кога Карлсон го прашал дали ја знае етничката структура на Иран.
„Вие сте сенатор кој повикува на соборување на иранската влада и не знаете ништо за таа земја!“, му рекол тој. „Не, вие не знаете ништо за таа земја!“, возврати Круз.
Стив Банон, поранешниот политички стратег на Трамп, во подкастот на Карлсон рече дека ако на „длабоката држава“ и се дозволи да ги вклучи САД во војна со Иран, таа ќе ја разнесе коалицијата на поддржувачи на Трамп.
„Ако сме вовлечени во таа војна, која изгледа неизбежна во однос на борбените дејствија, таа не само што ќе ја разнесе коалицијата, туку и ќе го спречи најважното нешто, а тоа е депортацијата на илегалните странски напаѓачи кои се тука“, рече тој.
Друг конзервативен политички коментатор, Чарли Кирк, кој вели дека е поблизок до изолационистите во таа дебата, рече на „Икс“ дека Трамп е „прагматичен“ и го цени „здравиот разум“.
„Не знам дали претседателот Трамп ќе избере да ја вклучи Америка во војна против Иран“, напиша тој. „Но, верувам дека тој е човекот кој ќе ја донесе вистинската одлука.
Сенаторот од Кентаки, Мич Меконел, рече дека ова „беше некако лоша недела за изолационистите“ во партијата.
„Се случува некои во изолационистичкото движење предводено од Такер Карлсон и Стив Банон да бидат многу загрижени дека можеме да им помогнеме на Израелците да ги поразат Иранците“, рече тој за Си-Ен-Ен. Другите јастреби во партијата силно притискаат Трамп да го нападне Иран.
Сенаторот од Јужна Каролина, Линдзи Греам, рече дека е во национален безбедносен интерес на САД да го спречат Иран да развие нуклеарна бомба. Техеран тврди дека неговата нуклеарна програма има чисто цивилни цели, како што е производството на енергија.
Меѓутоа, на платформата „Truth Social“ на Трамп, многумина изразија загриженост дека САД повторно би можеле да се вплеткаат во конфликт на Блискиот Исток.
„Нема војна со Иран. Нема повеќе војни во странство“, напиша еден корисник.
„Америка на прво место!“, додаде.
Друг коментатор предупреди дека мешањето на САД во израелските операции може политички да ги чини републиканците во годините што доаѓаат.
„Не правете го тоа. Републиканците никогаш повеќе нема да победат ако го направите тоа“, напиша тој.
Свет
Иран му одговори на Трамп: Сигурно нема да преговараме со небитен воен хушкач
Мисијата на Иран во Обединетите нации одговори на тврдењето на Доналд Трамп дека Техеран му пристапил на Вашингтон.
„Ниту еден ирански функционер никогаш не побарал да ползи пред вратата на Белата куќа. Единственото нешто поодвратно од неговите лаги е неговата кукавичка закана дека ќе го отстрани врховниот лидер на Иран“, се вели во соопштението.
Како што се додава, Иран не преговара под присила, не прифаќа мир под принуда и сигурно не со ирелевантен воен провокатор кој очајно се обидува да остане релевантен.
Во продолжение се вели и дека Иран на секоја закана ќе одговори со контразакана и секој напад ќе биде возвратен.
Претходно денес Трамп рече дека Иран предложил да дојде во Белата куќа оти е во проблеми и сака да преговара.
Свет
Трамп: Иран има многу проблеми и сака да преговара
Американскиот претседател, Доналд Трамп, разговараше со новинарите на тревникот во Белата куќа. Тој беше прашан дали САД се поблиску до напад на иранските нуклеарни постројки.
„Навистина мислите дека ќе одговорам на тоа прашање? „Дали ќе го нападнете иранскиот нуклеарен објект и точно во колку часот, господине ќе го нападнете?“
Тој додаде: „Не знаете дали воопшто ќе направам нешто. Не знаете. Можеби ќе направам. Можеби нема да направам“. Тој вели дека „никој не знае што ќе направат“, но дека може да го каже ова: „Иран има многу проблеми и сака да преговара“. „И јас им реков: „Зошто не сакавте да преговарате со мене пред сета оваа смрт и уништување? Зошто не дојдовте? Им реков на луѓето: зошто не преговаравте со мене пред две недели?“
Тој рече и дека Иран дури и предложил да дојде во Белата куќа.
„Тие имаа лоши намери. Знаете, 40 години велат: смрт на Америка, смрт на Израел, смрт на кој било друг што не го сакаат, каде било“, додаде.
„Насилници. Беа како насилници на училишното игралиште. Но ќе видиме што ќе се случи“. Тој исто така рече дека „ништо не е готово додека не заврши“ и дека војната е „многу сложена“. „
„Не би рекол дека сме победиле“, рече тој. „Но, би рекол дека сигурно постигнавме огромен напредок. И ќе видиме. Следната недела ќе биде многу важна. Можеби помалку од една недела, можеби порано“.
ПРП терапијата за пациентите од пожарот во „Пулс“ е достапна во Кочани, нема да мора да патуваат до Скопје
Десет лица повредени во трагедијата во „Пулс“, за првпат во болницата во Кочани, биле третирани со ПРП терапија (плазма збогатена...
Сообраќајна расправија причина за бодењата со нож во Чаир, повредени тројца меѓу кои и малолетник
Скопското обвинителство победе постапка против 18-годишно момче за инцидентот што се случи синоќа во Чаир. Од тука информираа дека постапка...
Одбраната побара ослободителни пресуди за Кешишев, Манев, Видевски и Ѓорчевски за убиствата на Вања и Панче
Одбраната побара ослободителни пресуди за Влатко Кешишев, Велибор Манев, Боре Видевски и Александар Ѓорчевски за убиствата на Вања и Панче....
(Видео) Нов напад на Израел врз Иран
Израелската армија соопшти дека Техеран повторно е нападнат. Израелските одбранбени сили (ИДФ) објавија дека нивните воздушни сили напаѓаат воени цели...
Преспанци ќе добијат можност сами да предложат како да се уредат 30 локации на кои досега на диво трупаа ѓубре
Купишта ѓубре безмалку на секоја улица и силна смрдеа ги пречекуваат и оние малкумина туристи што ќе одлучат да ја...
Новиот министер за хаосот со паркингот на Клинички: Имаме идеи, сè уште немаме решение
Краткорочно имаме идеи, сè уште немаме решение, но работиме на тоа и веруваме дека за кратко време ќе бидете известени,...
Молк од државата за барањата за отстранување на новиот хотел на Горица, реагира „Фронт 21/42“
Законите не важат во Охридскиот Регион. Прекршувајќи го и Законот за постапување по претставките и предлозите, по претставката со која...
Од денес до петок – пороен дожд, грмежи и засилен ветер
Од денес до петок во попладневните и во вечерните часови ќе биде нестабилно со пороен дожд, грмежи и засилен ветер,...
Шефот на иранската атомска енергија: Нуклеарните централи се во добра состојба и покрај нападите
Иранските државни медиуми денес објавија неколку кратки изјави од страна на службеници задолжени за нуклеарната и за енергетската инфраструктура. Шефот...
Арсовска: Не биди ѓубре, не биди криминалец, не биди Јулијана
Ако се прашувате зошто со месеци и години има проблеми со собирање на комуналниот отпад во Скопје, одговорот е поради...
Евакуирани првите македонски државјани од Израел
Министерството за надворешни работи и надворешна трговија информира дека првата група македонски државјани, кои побараа евакуација од територијата на Израел,...
МОН го зголемува бројот на ученици во средните стручни училишта
МОН го зголемува бројот на упис на ученици во средните стручни училишта. Од речиси 28.000 места во учебната 2025/2026 година...
Филипче за Мицкоски: Слаб говор, лоши пораки
Лидерот на СДСМ, Венко Филипче, оцени дека премиерот Христијан Мицкоски, на 35-годишнината од основањето на ВМРО-ДПМНЕ, имал слаб говор и...
Мицкоски: Сите функционери во нашата партија мора да бидат свесни дека ова што го работиме не е лична игра, туку служба
ВМРО-ДПМНЕ е продолжение на историското ВМРО, основано во 1893 година, кога нашиот народ, иако под туѓи потчинувања и под притисоци,...
Уште еден случај на семејно насилно – скопјанец со возило се обидел да ја прегази сопругата, па ја истепал
Уште еден случај на семејно насилство во Скопје, сопруг се обидел да ја прегази сопругата со автомобил, кога не успеал,...
Трамп: Нема да го убиеме иранскиот лидер, барем не засега
Претседателот на САД, Доналд Трамп, објави низа пораки на социјалните мрежи во врска со Иран, вклучувајќи една во која бара...
Кремљ: Руската понуда сè уште е на маса, но Израел засега не е заинтересиран за мирно решение
Кремљ изјави дека гледа дека Израел не сака посредништво во конфликтот со Иран, кој влегува во својот петти ден по...
40-годишен скопјанец ја истепал мајка си: со тупаници ја удирал по лицето и телото и ја гризел, предложен притвор
Основното јавно обвинителство Скопје поведе постапка против 40-годишен скопјанец за кого постои основано сомнение дека извршил кривично дело – Телесна...
Шефицата на американската разузнавачка служба: Иран не гради нуклеарно оружје; Трамп: Не ме интересира што кажала
На летот при враќањето од самитот на Г7 во Канада американскиот претседател Доналд Трамп повторно инсистира дека Иран е многу...
Опасна најава од Израел: „Ќе видите некои изненадувања што операцијата со пејџерите ќе ви се чини едноставна“
Израел сè уште има некои изненадувања во ракавот во борбата против Иран, изјави израелскиот амбасадор во САД, Јехиел Лајтер. Тој...
