Свет
Над 32 илјади возила неделно не плаќаат патарина
Луѓето прават се само да не дадат пари. Покажуваат полициски значки купени од пазар, потврди од плати дека се вработени во јавна администрација, вперуваат пиштоли, се претставуваат како роднини на политичари, директори или на локални моќници
СПОРЕД ПОСЛЕДНОТО БРОЕЊЕ НА “МАКЕДОНИЈА ПАТ”
Луѓето прават се само да не дадат пари. Покажуваат полициски значки купени од пазар, потврди од плати дека се вработени во јавна администрација, вперуваат пиштоли, се претставуваат како роднини на политичари, директори или на локални моќници
Плаќањето на патарина во Македонија неделно го одбегнуваат над 32 илјади возила, покажало последното броење направено во текот на минатиот месец. Раководителката на наплатната служба на ЈП “Македонија пат”, Јадранка Тодорова вели дека бројката е многу поголема оти не се бележени возилата кои според член 109 од законот за патишта се ослободени од наплата на таксата. Тоа се возилата на АРМ, МВР, брза помош, “Македонија пат”, КФОР и други привилегирани со овој закон.
“Луѓето прават се само да не дадат пари. Покажуваат полициски значки купени од пазар, потврди од плати дека се вработени во јавна администрација, вперуваат пиштоли, се претставуваат како роднини на политичари, директори или на локални моќници. Се закануваат со влијателни пријатели”, вели Тодорова.
Таа во петокот заедно со директорот на Државниот сообраќаен инспекторат Љупчо Мијајлески и голем број инспектори на наплатната рампа кај Петровец го контролираше плаќањето на таксата. Дури и во присуство на инспекциските служби возачите избегнуваа да дадат пари за патарина. Некои се обидуваа да се протнат под рампата која бавно се спушта, а други пак ја употребуваа старата финта “пола- пола” или пола за возачот, пола за инкасантот, а во државната каса – ништо.
“На Глумово првата патарина од Скопје кон Тетово плаќањето најчесто се одбегнува со таканаречениот воз. Најчесто го практикуваат студентите од Штулов кога одат и се враќаат од Тетово. Едно возило ќе ја плати патарината, а останатите три набрзина поминуваат без пари”, вели раководителката Тодоровска.
Пред една недела на рампата Глумово кон Тетово, имало и обид за убијство на вработен. Возач кој одбивал да ја плати патарината извадил штрафцицер и му се нафрлил на вработениот сакајќи да му го забоде во глава. Го спасиле колегите кои веднаш дотрчале и го оттргнале разбеснетиот шофер.
И. С
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.