Македонија
Македонија поднесе кандидатура за членство во Советот за човекови права
Република Македонија силно ја поддржува работата на Советот за човекови права, кој го зајакнува својот кредибилитет, посебно по засилениот ангажман во државите од Северна Африка и Блискиот исток.
Република Македонија силно ја поддржува работата на Советот за човекови права, кој го зајакнува својот кредибилитет, посебно по засилениот ангажман во државите од Северна Африка и Блискиот исток.Ова го истакна денеска македонскиот министер за надворешни работи, Никола Попоски, обраќајќи се пред Советот за човекови права на Обединетите нации во Женева. Притоа Поповски соопшти дека Република Македонија, со своето конкретно искуство и желба да придонесе во работата на Советот, поднесе кандидатура за членство во ова тело за периодот 2014-2016. година. Во своето излагање, шефот на дипломатијата истакна дека почитувањето и унапредувањето на човековите права и достоинството на човекот е наша обврска кон постојните и кон идните генерации. Министерот Попоски ги реафирмирирал приоритетите на државата во сферата на заштитата и промоцијата на човековите права на меѓународно и на национално ниво. На маргините од состанокот, Попоски, оствари средби со министрите за надворешни работи на Словенија, Карл Ерјавец, на Молдавија, Јурие Леанка, на Индонезија, Марти Наталегава, како и со министерот за европски прашања на Република Ирска, Лусинда Крејтон.Притоа, Попоски побара поддршка од соговорниците, за кандидатурата на Република Македонија за членка на Советот за човекови права на Обединетите нации за периодот 2014-2016. година. Министерот за надворешни работи на Словенија, Ерјавец, ја повтори јасната поддршка што неговата земја ја дава за Македонија на патот кон ЕУ и кон НАТО, нагласувајќи дека долгогодишниот застој и позицијата на статус кво е неодржлива и бескорисна, а Европската унија не може да биде целосна и комплетна без земјите од Западен Балкан. Попоски ги презентираше аргументите содржани во пресудата на Меѓународниот суд во Хаг, при што изрази надеж дека иако официјално темата за проширување не е на дневен ред на Самитот на НАТО во Чикаго, сепак нема да се запостави прашањето за членство на Република Македонија во Алијансата. На средбата е искажан заемен интерес за унапредување на економската соработка меѓу двете земји во наредниот период.Во разговорот со министерот за европски прашања на Ирска, Лусинда Крејтон, беше побарана поддршка од Ирска за отпочнување на пристапните преговори за членство на Македонија во ЕУ. Од ирска страна беше искажана подготвеноста за натамошна поддршка со укажување дека е потребен дополнителен притисок и врз Европскиот парламент за придвижување на евроинтегративните процеси на Македонија.На средбата со министерот за надворешни работи на Молдавија, од молдавска страна беше побарана поддршка од Македонија во однос на размена на искуства од спроведувањето на реформите во правосудниот систем, како и во однос на дијалогот за визна либерализација со ЕУ.На средбата со министерот за надворешни работи на Индонезија, беше истакната потребата од зголемување на економската соработка и поттикнување на инвестициите. Беше презентиран и заемен интерес за олеснување на визниот режим за граѓаните од двете земји. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..